Qazirgi tańda oblysta 18 jasqa deıingi 263 000 - nan astam jasóspirim bar. Derekterge súıensek, Respýblıka kóleminde sońǵy 10 jylda jasóspirimder arasyndaǵy quqyq buzýshylyq faktileri azaıyp, Mańǵystaý oblysynda 65 %- ǵa tómendegen. Jasóspirimderdiń qylmysyn boldyrmaý baǵytynda oblys mektepterinde medıasııa kabınetteri ashylyp, «Meıirimdi sot» jobalary iske asyrylýda. Endi mektepterde medıatorlar men psıhologtar túsindirme jumystaryn júrgizip otyrady. О́ńirde 2001 jyly ashylǵan «Devıantty minez-qulyqty balalarǵa arnalǵan mektep-ınternatta» Oral, Atyraý, Aqtóbe, Astana qalalarynan kelgen 9 tárbıelenýshi bar, 3-eýi Mańǵystaý oblysynan. Munda tárbıelenýshilerdiń deni otbasynan ketip qalǵan, sondaı-aq oqýdan qashyp, psıhologııalyq kúızeliste júrgen 11-18 jas aralyǵyndaǵy jasóspirimder. Olarmen júıeli túrde profılaktıkalyq jumystar júrgiziledi, túrli úıirmelerge qatystyrylady, qoǵam qaıratkerlerimen kezdesýler uıymdastyrylady. Bul ortalyqtan ashylǵaly 249 bala tárbıelenip shyqsa, 236 bala otbasylaryna qaıtarylǵan. Al, 5-eýi О́skemen qalasyndaǵy «Erekshe rejımdegi mektep-ınternatqa» jiberilse, 8 bala kámelet jasqa tolýyna baılanysty ortalyqtan shyǵyp ketken. Mundaǵy tárbıelenýshiler jazǵy maýsymda saýyqtyrý lagerlerinde, «Jasyl el» jastar jasaǵynda eńbek etedi.
- Jalpy jyl basynan beri jasóspirimder arasynda asa aýyr qylmys tirkelmedi. 2018 jyly 20, bıyl 7 quqyq buzýshylyq oqıǵasy tirkelgen. Qandaı da bir qylmysqa barǵan jasóspirimdi, «qıyn bala» tizimine qospaı, psıholog, áleýmettik pedagogtardyń qatysýymen túsindirý jumystary júrgiziledi, deıdi oblystyq polısııa departamenti, jergilikti polısııa qyzmeti basqarmasy ıývenaldy polısııa tobynyń aǵa ınspektory Elvıra Kasanova.
Oblys boıynsha 141 mektepte, 95 ınspektor qyzmet etedi. Senbi, jeksenbi kúnderi júrgizilgen praktıkalyq sharalardyń nátıjesinde, 3 aıda túngi ýaqytta ata-anasyz kóshede júrgen 850 balanyń ata-anasyna ákimshilik hattama toltyrylǵan. Búgingi tańda 215 bala tizimde tur, onyń 79 -y profılaktıkalyq tizimge alynsa, 130 bala arnaıy tizimge engizilgen.
Mańǵystaý oblysy