Osy ózara túsinistik týraly memorandýmnyń maqsaty -sý resýrstaryn basqarý salasyndaǵy taraptar arasyndaǵy yntymaqtastyq úshin negiz qurý.
Rásimge Qazaqstan Respýblıkasynyń Aýyl sharýashylyǵy mınıstri Saparhan Omarov myrza jáne Vengrııa Premer-Mınıstriniń orynbasary, Vengrııanyń Qarjy mınıstri Mıhaı Varga myrza qatysty.
Memorandým eki tarap arasyndaǵy sý resýrstaryn yqpaldastyra basqarý jáne shekaraaralyq sý resýrstaryn qorǵaý jáne paıdalaný salasyndaǵy yntymaqtastyq máseleleri boıynsha seriktestikti damytý úshin negiz bolady.
Memorandým aıasynda sý resýrstarynyń sandyq jáne sapalyq monıtorıngin júrgizý, sý basseınderin basqarý josparlaryn daıyndaý, zańdyq jáne ekonomıkalyq retteý jáne yntalandyrý josparlanýda. Sý resýrstary salasyndaǵy ǵylymı-zertteý jumystaryna erekshe mán beriledi.