Áleýmettik keleńsizdik kóp

Oblys ákimdigi otyrysynda óńirdiń sanıtarlyq-epı­de­mıologııalyq jáne medı­sı­nalyq qyzmet kórsetý jaıy tal­qylanyp, qoǵam­dyq den­saýlyq saqtaý depar­tamentiniń bas­shysy Serik­baı Qasmaqasov bir­qatar ke­leńsizdikterdiń betin ashty.

Ol keltirgen derekterge qa­raǵanda, byltyr dárigerge qaral­ǵan ár myń balanyń 36,6 paıyzy kóz aýrýyna shaldyqsa, 13,8 paıyzynda júıke-psıhı­kalyq derti kezdesken. Al 12,9 paıy­zynyń omyrtqa jotasynyń qısaı­ǵany, 8,2 paıyzynda as­qa­zan-ishek joly aýrýlary baı­qalǵan. 

Baıandamashynyń aıtýynsha, keı mektepterde káriz júıesi, sý máseleleri tolyq sheshil­megen. Oqýshylardyń jasy men bo­ıyn­a sáıkes keletin jıhaz­ben tolyq qamtylmaǵan.

О́ńirdegi 480 mekteptiń jartysy ǵana ortalyqtandyrylǵan sý júıesine qosylǵan. 209 bilim ordasyna aýyz sý tasyp jetkiziledi. 84 mektepte dárethana dalada or­­­nalasqan. Sport zaldary M.Ju­mabaev aýdanynyń 6 mekte­binde, Taıynsha aýdany­nyń 8 mek­tebinde joq. Sport qu­raldary kópten beri jańalan­baǵan. 

Departament basshysy adam tańǵalarlyq faktilerdi de my­salǵa keltirdi. Atap aıtqanda, sa­nıtarlyq-gıgıenalyq taza­lyqtyń tómendiginen jáne qoǵam­dyq monshalardyń jetim­­sizdiginen pedıkýlez aýrýynyń órship bara jat­qany alańdatady. Al týberký­lezdi juqtyrǵandardyń sany 4,5 paıyzǵa kemigenine qaramas­tan, óńir respýblıka boıynsha aldyńǵy orynda tur. Medısı­nalyq qyzmet sapasynyń tó­mendigine baılanysty joldanatyn aryz-shaǵymdar áli kóp. Oqýshylardy ystyq tamaq­pen qamtamasyz etý­de de túıt­kilder kóp.   Soltústik Qazaqstan oblysy