«Sońǵy jyldary memlekettik-jekemenshik áriptestik arqyly ınvestısııa tartý ulǵaıdy. Bul jalpy ishki ónimniń ósýine 0,2 paıyz deńgeıinde úles qosty. 1 mamyrdaǵy jaǵdaı boıynsha jobalardyń jalpy sany 1 285-ti quraıdy, quny 2,9 trln teńge. Onyń ishinde 1,5 trln teńge somasyna 548 shart jasaldy. Daıyndyq satysynda 1,4 trln teńgeniń 737 jobasy bar. Investısııa kólemi jaǵynan eń úlken jobalar kólik ınfraqurylymy, energetıka jáne telekommýnıkasııa salasynda iske asyrylýda», dedi mınıstr.
Jobalardyń kóbisi bilim berý, densaýlyq saqtaý, energetıka, turǵyn úı-kommýnaldyq sharýashylyǵy, mádenıet, sport salalaryna tıesili.
«Respýblıkalyq deńgeıde 25 joba bar, onyń ishinde 9 joba boıynsha shart jasaldy. Konkýrs satysynda 2 joba jáne josparlaý deńgeıinde 14 joba qamtyldy. Jasalǵan sharttar sany boıynsha Shyǵys Qazaqstan, Pavlodar oblystary jáne Almaty qalasy birinshi orynda tur», dedi Rýslan Dálenov.