Ulttyq sport túrleriniń respýblıkalyq festıvali aıasynda ótken saıysta jas sportshylar jamby atý, teńge alý, aýdaryspaq sekildi kúrdeli jáne oıyn-saýyq sport túrleri boıynsha kúsh synastardy. Sondaı-aq, at sportynan oblysqa tanymal sport sheberleri men chempıondar qaladaǵy «Qaırat» ulttyq jáne at sporty túrleri mektebiniń tárbıelenýshileri men aýla klýbtary músheleriniń aldynda óner kórsetti.
Sonymen qatar, festıval baǵdarlamasyna saı, oblystyń jas sportshylary toǵyzqumalaq pen qazaq kúresi boıynsha da saıysqa tústi. Budan bólek, balalar «Kóńildi starttar» estafetasyna qatysyp, laq aýlady, jerden sadaq atyp, asyq oınaýdan jarysty.
Qaraǵandy qalasyndaǵy at sporty bazasynda ótken festıvalge 300-ge jýyq jas sportshy qatysty.
Qaraǵandy oblysy