Munda oblys ákimi Qyrymbek Kósherbaev sol jaǵalaý qurylysynyń Qazaqstan Úkimetimen bekitilgen bas josparyn tanystyrdy. Sol jaǵalaýdaǵy jańa qalanyń jalpy aýmaǵy 1532 gektarǵa jetedi.
- Búginde Qyzylordada 280 myńǵa jýyq adam turady. 2025 jylǵa qaraı halyq sany 350 myńǵa jetedi dep kútip otyrmyz. Iаǵnı, turǵyn úı qurylysyn damytý úshin qosymsha aýmaqtar qajettiligi týady, - dedi oblys ákimi.
Aımaq basshysy qazirgi ýaqytta sol jaǵalaýda «Nurly jer» memlekettik baǵdarlamasy aıasynda ústimizdegi jyldyń I jartyjyldyǵynda paıdalanýǵa berilýi josparlanǵan 460 páterlik 8 turǵyn úıdiń qurylysy aıaqtalyp jatqandyǵyn aıtty. Budan basqa, áleýmettik jáne kommersııalyq sıpattaǵy 1190 páterlik qosymsha 28 turǵyn úıdiń qurylysy bastalǵan. Jalpy, sol jaǵalaýdaǵy 3 turǵyn úı aýdanynda aǵymdaǵy jyly 2340 páterlik 50 turǵyn úı salynady. Onyń ishinde 431 páter az qamtylǵan kóp balaly otbasylarǵa beriledi.