Oqytýshylar qaladaǵy turǵyn úılerdiń qabyrǵalaryna sýret salý týraly oılaryn shahar basshysy Alımuhammed Quttumuratulyna aıtqan, qala ákimi óz kezeginde ıdeıaǵa qoldaý kórsetti, jobany qarjylandyrýǵa nıetti demeýshiler de tabyldy.
- Aldymen oblys ortalyǵyndaǵy Balyqshy yqsham aýdanyndaǵy turǵyn úıdiń qabyrǵasyna Jaıyq ózenindegi sýasty áleminiń sýretin saldyq. Bıyl Mahambet О́temisulynyń portretin saldyq, qazir Jastar jylyna qatysty sýretterdi oılastyryp jatyrmyz, - deıdi sýretshi Meıirbek Jaǵypashev.
Oqytýshylar Avangard, Nursaıa, Vokzal mańy, Balyqshy yqshamaýdandaryndaǵy úılerge Qurmanǵazy, Dına, Beıbarys sekildi tulǵalardyń Street-art sýretterin salýdy josparlap otyrǵandaryn aıtady. Sýretshiler jobaǵa qoldaý kórsetkisi keletin demeýshilerdi seriktestikke shaqyrady. Bir sýretti salý úshin orta eseppen alǵanda 10 kún ketedi. Al sýret salý úshin arnaıy ballondar qoldanylady.
- Ballondaǵy boıaýlar sýǵa tózimdi, eger úı qabyrǵasy senimdi, aqaýy joq bolsa, sýret te uzaq ýaqyt turady. Bir sýretke 100 ballon ketedi. Jelsiz, ashyq kúnderi jumys isteýge tyrysamyz, - deıdi sýretshi Mıras Janǵojıev.
Aıta keteıik, Atyraýdaǵy úılerge sán berip turǵan sýretterge turǵyndardyń da kózqarastary jaqsy. Sýretshiler jumys qıyn bolsa da, oń nátıjege jáne turǵyndardyń yqylastaryna ıe bolǵannan keıin jańa beıneler jasaýǵa qýana kirisetinderin aıtady.
- Grafıt deımiz be, kórkem sýret deımiz be, bastysy osy jarqyn beıneler Atyraýǵa ásemdik pen jaqsy kóńil-kúı syılaǵanyna senimdimiz, - deıdi sýretshi Asylbek Baqtııar.