Plenarlyq sessııada básekege qabilettilikti arttyrý, kólik-logıstıka, agroónerkásip áleýetin, qarjy naryqtary men tehnologııalardy damytý, memlekettik aktıvterdi jekeshelendirý máseleleri talqylandy.
QR Premer-Mınıstri A. Mamın ınvestısııalar Qazaqstan ekonomıkasynyń ósimi men ony damytýdyń irgeli faktory bolyp qala beretinin atap ótti. 2018 jyly Qazaqstanǵa $24 mlrd astam tikeleı sheteldik kapıtal ınvestısııalandy, bul Ortalyq Azııadaǵy tikeleı sheteldik ınvestısııalardyń jalpy kóleminiń 90% astamyn quraıdy.
Qazaqstan ekonomıkasyna halyqaralyq kapıtal aǵynyn odan ári kúsheıtý maqsatynda Úkimet ınvestorlardy jan-jaqty qoldaýdy qamtamasyz etetin ınvestısııalyq saıasat salasynda jańa tásilderdi engizip jatyr.
QR Úkimetiniń basshysy Forým qatysýshylaryn Qazaqstanda bıznes júrgizý jáne ınvestısııa salý úshin, onyń ishinde jekeshelendirý baǵdarlamasy aıasynda da, múmkindikterdi qarastyrýǵa shaqyrdy. Qazaqstan óz kezeginde barlyq ınvestorlarǵa qolaıly bıznes-ahýal usynady.
«Qazirgi adam, energetıka, logıstıka kapıtalyn jańartý jónindegi jańa tásilder bizdiń jańa jáne perspektıvaly salalardy – ekonomıkalyq ósimniń bolashaq qozǵaýshylaryn damytýǵa basa kóńil bólýimizdi túsindiredi, — dedi A. Mamın.
Forým qorytyndysy boıynsha ınvestısııalyq kelisimderge qol jetkizilip, $8,9 mlrd somasyna 45 joba boıynsha kommersııalyq kelisimderge qol qoıyldy.
QR Premer-Mınıstri Asqar Mamın AEF-2019 aıasynda basqarýshy dırektory Mıhael Harmstyń jetekshiligimen Germanııa ekonomıkasynyń shyǵys komıtetiniń delegasııasymen kezdesý ótkizdi, onda saýda-ekonomıkalyq jáne ınvestısııalyq yntymaqtastyqty odan ári damytý máseleleri talqylandy.
2018 jyldyń qorytyndysy boıynsha Qazaqstan men Germanııa arasyndaǵy taýar aınalymy 10,8% artyp, tarıhı jańa deńgeı $2,1 mlrd-qa jetti. Elderdiń retke keltirilgen ekijaqty yntymaqtastyǵy qazaqstandyq-nemis kásiporyndaryn belsendi túrde qurýǵa yqpal etedi. Sońǵy 4 jylda nemis kompanııalary Qazaqstanda 2,4 mlrd-qa jýyq eýroǵa ınvestısııalyq jobalardy iske asyrdy, ótken jyly birlesken jobalarǵa 190 mln-nan astam eýro ınvestısııalandy.
Kezdesýge qatysýshylar óńdeý ónerkásibinde, energetıkada, mashına jasaýda, kólik salasynda, aýyl sharýashylyǵynda, bilim berý men sıfrlandyrýda yntymaqtastyqty arttyrýǵa degen nıetterin jetkizdi.