«Egemen Qazaqstan» gazetiniń mereıtoıy aıasynda ótip jatqan ár is-shara óte mańyzdy. Búgin Nur-Sultan qalasynyń tórinde biz júz kóshet otyrǵyzýǵa jınaldyq. Osy ıgi shara qutty bolsyn! «Babalar ekken shynardy balalar saıalaıdy» deıdi ǵoı, sondyqtan da búgin otyrǵyzylatyn aǵashtarymyz úlken saıabaqqa aınalsyn. О́sip kele jatqan urpaq bul saıabaqty bizder «Egemen Qazaqstan» gazetiniń qurmetine ekkenimizdi bilip júrsin. Elimiz, Nur-Sultan qalamyz, «Egemen Qazaqstan» gazetimiz órkendeı bersin, gúldeı bersin!», dedi Dáýren Abaev.
Sonymen qatar, senbilikke atalǵan gazettiń kórkeıýine úlken úles qosqan Májilis depýtaty, pýblısıst Saýytbek Abdrahmanov arnaıy keldi. «Jyl basynan beri «Júz jyldyq jylnama» dep gazettiń mańdaıyna jarqyratyp jazyp, gazet osy uly belesti jaqsy atap kele jatyr. Búgin osyndaı jaqsy is-shara uıymdastyrylyp otyr. Aldaǵy ýaqytta bul saıabaq gazettiń 100 jyldyǵyn bizdiń esimizge salyp turatyn bolsyn. Jaqsy kúnderimiz kóp bolsyn, basylymnyń abyroıy arta bersin!», dedi Saýytbek Abdrahmanov.
О́z kezeginde «Egemen Qazaqstan» respýblıkalyq gazeti» AQ basqarma tóraǵasy Darhan Qydyráli bul mereıtoıdy jyl boıy atap ótý josparlanǵanyn jetkizdi. «Jyl aıasynda kóptegen ıgi sharalar ótkiziledi, al búgin sonyń birine jınalyp otyrmyz. Osy sharalardyń ótýine qoldaý bildirgen Aqparat jáne qoǵamdyq damý mınıstrligine alǵys aıtamyz. Qazaqta «atadan mal qalǵansha, tal qalsyn» dep aıtady ǵoı. Osy oraıda kishigirim alleıada aǵash otyrǵyzbaqpyz. Bul bizdiń qazaq baspasóziniń dostyq alleıasy sııaqty qalady dep úmittenemin», dedi ol.
Sonymen qatar basylym basshysy D. Qydyráli kóshet otyrǵyzýǵa oryn bólgen Esil aýdanynyń ákimdigine alǵysyn jetkizdi.