18 mamyr kúni elordada «Mýzeı túni» sharasy aıasynda «Egemen Qazaqstan» gazetiniń 100 jyldyǵyna oraı «Júz jyldyq jylnama» kórmesi ashyldy. Sharaǵa Aqparat jáne qoǵamdyq damý mınıstri Dáýren Abaev, basylym basshylary men ardager jýrnalıster qatysty.
Kórmege elimizdiń ǵasyrlyq derekti tarıhyn tasqa basqan gazettiń eski tigindileri, sol kezdegi óndirisi týraly habar beretin jádigerler, gazet redaksııasynan jaryq kórgen kitaptar, basylymnyń túrli jetistikterin kórsetetin qujattar men marapattar syndy kóptegen dúnıeler qoıylǵan.
Basylymnyń mereıtoıyna arnalǵan keshendi sharalar jyl aıaǵyna deıin jalǵasady. Mundaı sharalar elimizdiń túrli aımaqtarynda bıylǵy qańtar aıynan bastalǵan. Shyǵys Qazaqstan jáne Almaty oblystarynda gazet mereıtoıyna arnalǵan saltanatty sharalar, kezdesýler uıymdastyryldy.
Kórme bir aı boıy jalǵasady.