AHQO bırjasyna qyzyǵýshylar kóp

Bas qalada 12-shi ret ótken aýqymdy forýmǵa AHQO ókilderi, Úkimet mú­sheleri men forým spı­kerleri qatysty. Fo­rýmda sóz alǵan «As­tana» halyqaralyq qar­jy orta­lyǵynyń bas­qa­rýshysy Qaırat Ke­lim­betov óńirlik qar­­jy­lyq habtyń artyq­shylyqtaryn atap kór­set­ti. Sondaı-aq ol qar­jy ortalyǵynyń aldaǵy josparyna toqtaldy.

– AHQO-nyń basty erek­sheligi, aǵylshyn qu­qyǵy ne­gizinde jumys ja­saıdy. Qazaqstan Or­talyq Azııada jalpy aǵylshyn quqyǵy qolda­nysqa engen birden-bir memleket. Taǵy bir ma­ńyz­dy qadamdardyń biri – retteýshi organnyń damýy bolyp otyr. Bıyl biz «Qazaqtelekom», «Air As­tana», «QazMunaıGaz» kom­panııalary IPO-ǵa qatysady dep jos­par­lap otyrmyz. AHQO­ bır­ja­syna qyzyǵý­shy­lyq tanytyp otyrǵan jeke­menshik kompanııalar da jeterlik. Solardyń alǵashqylarynyń biri – Reseıdiń «Polymetal» kom­panııasy. Osyǵan de­ıin­gi qadamdardy sa­ra­laı kele, aldaǵy ýa­qyt­ta jekemenshik kompa­nııalardyń sany odan da arta túsetinine senimdimiz. AHQO Fintech, Green Finance jáne ıslamdyq qar­jylandyrý salasyn damytý isin odan ary jalǵastyratyn bolady, – dedi Q.Kelimbetov.

Alqaly jıynda son­daı-aq AHQO bırjasy Bas­qarýshysy Tımotı Bennet sóz aldy.

– Biz qarqyndy damyp kele jatqan jahandyq bırja qura bildik. «Qaz­atomónerkásiptiń» qundy qaǵazdarynyń ótimdiligi biz josparlaǵannan 3-4­ esege artyq bolyp shyq­­ty. Osyǵan deıin biz­ Qazaqstanda kapıtal­ naryǵyn damytýdyń bo­la­shaǵy zor ekenin kór­sete bildik. AHQO bır­ja­sy ınvestorlar bazasyn keńeıtý isin odan ary damytatyn bo­la­dy. Sebebi naryq kapı­talynyń júregi – ınves­torlar ekeni barshaǵa aıan. AIX ınnovasııalar­ men halyqaralyq ynty­maq­tastyqty damytýǵa basa mán berip otyr. Buǵan dálel, AIX osydan bir aı buryn Qundy qaǵazdar jáne naryq jónindegi eýropalyq basqarmamen (ESMA) seriktes atandy. Bul óz kezeginde, qarjy nary­ǵynyń turaqty jumysyn qamtamasyz etetin bolady, – dedi Tı­motı Bennet.

Eske salar jaıt, As­tana ekonomıkalyq forýmy bıyl «Shabyt­tan­­dyrýshy ósim: adamdar, qalalar, ekonomı­ka» ta­qy­rybynda ótti. Fo­rým­da álemniń túk­pir-túk­­pirinen kelgen bel­di sarapshylar men ja­han­­­dyq kóshbasshylar, bız­­nes-qaýymdastyq ókil­­­­deri adamzattyń da­mýy­­na qajet mańyzdy máselelerge qatysty oı­­­­­laryn ortaǵa saldy.­ She­teldik meımandar­ keń kólemdi sharada tu­raq­ty ósýdiń jańa joldary, adamı kapıtaldy­ da­my­tý, qalalar áleýe­tin­­ keńeıtý syndy­ túr­­­li taqyryptardy tal­qylady.

Bul rette «Astana» halyqaralyq qarjy orta­ly­ǵy­­nyń elordanyń eko­nomıkalyq jáne qar­jylyq ın­fra­qu­ry­ly­mynyń damýyna qos­qan úlesin atap ótken jón. Qa­zirdiń ózinde AHQO-da Qazaqstan, AQSh, BAÁ, Sın­gapýr, Qytaı, Uly­brıtanııa, Germanııa jáne Fransııa el­derinen júzden astam kompanııa­ tirkelip úlgerdi. Tek bir jyl­dyń ishinde óńir­lik qarjylyq hab Sber­bank, Master Card, Visa, Euroclear, ERG, SAP, «Damý» qory syndy iri kom­panııalarmen ynty­maq­­tastyq jónindegi me­morandýmǵa qol jet­kizdi. AHQO 2020 jyly tirkeletin kompanııalar sanyn 500-ge deıin jet­kizýdi maqsat etip otyr.

Kúni keshe ǵana AHQO basqarýshysy Qaırat Kelim­­betovti qabyldaǵan Elbasy Nursultan Na­zar­­baev qarjy­lyq hab­qa zor senim artyp otyr­ǵanyn málimdegen bolatyn. Osy oraıda, AHQO aldaǵy ýaqytta jańa jumys oryndaryn ashý, qarjylyq jáne quqyqtyq qyzmet kór­setý sapasyn arttyrý, Qazaqstannyń ǵana emes, jal­py osy óńirdiń áleý­mettik-ekonomıkalyq jaǵ­­daıyn jaqsartýǵa mol úles qosady dep kú­tilip otyr.