Alǵash ret soıa daqylyn ekti

Bıyl Qyzylorda ob­ly­­synyń dıqandary al­ǵash­ ret soıa daqylyn ek­ti.­ Onyń se­bebi de joq emes.­­ Syr­ óńiriniń dań­qyn shy­ǵar­­ǵan aq kúrish kirpııaz da­qyl­dar­dyń biri. Úsh aı tolar­saǵynan sý keship turyp pise­tin kúrishtikke sý shyǵarý qym­batqa túsip jatyr. «Sý ba­synda otyrǵandar bal, aıa­ǵyn­da otyrǵandar ý ishedi» de­gendeı, ózińde aqtarylyp jat­qan ózen, kólder joqqa tán bolǵannan keıin jyl sa­ıyn sý tapshylyǵy sezilip qala­dy. Syrdarııanyń qo­re­gi negizinen Qyrǵyz Ala­taýynan Shardara sý qoıma­syna aqtaryla­tyn sý. Tá­jikstannyń Pamır taý­­­­­­la­ryndaǵy muzdaqtar da О́z­bek­­standy basyp, «Dos­tyq»­­ kanaly arqyly ke­ledi. Alaı­da, óziniki bol­ǵan­dyq­tan qonyshynan basatyn aǵaıyn­dar nópir sý naq kerek kezinde kenezeńdi keptiredi de qoıady. Osyny baǵamdaǵan ob­lys áki­mi Qyrymbek Kó­sher­­baev oblys sharýalaryna kúrish alqap­taryn azaıtý jóninde tapsyrma bergen.

О́ıtkeni jarlaýyt jer­ler­degi al­qap­­tarǵa sý shyǵa­rýdyń múmkindigi az ári qýrap ketedi. Bıyl aımaqtaǵy kúrish daqylyn egý úsh myń gektarǵa azaıdy. Alaıda, jańa tehnologııa jetis­tikterin paıdalaný daqyl­dyń ónim kólemine áser etken joq.

Oblysta sýdy únemdeý, jer qunaryn saqtaý, artty­rý jáne ónimdi kóbeıtý maqsa­tynda toǵyz joba qolǵa alyn­­ǵan bolatyn. Soıa – sol daqyl­dardyń biregeıi. Alǵash ret qol­ǵa alǵandyqtan ázirge 20 gek­tarǵa egilipti. Jer qu­na­ryn­ arttyrýǵa septigi de kóp eken.

– Bul daqyldyń tuzdy, sortań­danǵan jerge óskeni óte tıimdi. Mysaly, 1 gek­tar­ǵa egilgen qant qumaıy 5-6 ton­naǵa deıin sol 1 gektar jerdiń tuzyn ózimen birge alyp ketedi. Tuzyn sińi­rip, sol jerlerdiń tuzyn azaıtýǵa, ári qaraı qunarlyǵyn joǵary­latýǵa múm­kindik beredi. Mal sha­rýa­shylyǵyna qunar­ly mal azyǵy bolyp esepteledi, – deı­di oblys­tyq aýyl sha­rýa­shylyǵy bas­qar­­masy basshy­synyń orynbasary Seıil­bek Nurymbetov.

Aýyl sharýashylyǵynda ja­ńa­dan qolǵa alynǵan tyń toǵyz jo­ba aımaqtaǵy Qazaq kúrish ǵyly­mı-zertteý ıns­tıtýty ǵalymda­rynyń sarap­ta­masynan ótedi. Qyzyl­or­­da oblysynyń jeri shy­byq­­ shanshysa da tamyr alatyn keıbir tabıǵaty myqty aı­maq­­tardyń sanatynan emes. Jeriniń tuzdylyǵy joǵary bolǵandyqtan anaý-mynaý kóshetter, daqyldar jersine bermeıdi. Sondyqtan da jer jaǵdaıyna beıim, synaqtan ótken daqyldarǵa basymdyq berilip otyr. Sonyń biri, soıa babyn keltirse, aýyzdy aqqa tıgizetin daqyldardyń biri.

Qyzylorda oblysy