Qyzylorda oblysyndaǵy Aqjarma aýylynyń turǵyny, «Altyn alqa» ıegeri Iztileýova Jeńiskúl «Bastaýda» bıznestiń álippesin oqyp, otbasylyq kásiptiń negizin qalady. Memlekettik qoldaýdyń arqasynda kásip ashsam degen armanyn oryndalyp, «Aýylsharýashylyǵyn qarjylaı qoldaý qory» AQ Qyzylorda oblystyq fılıalynan 4 mln.teńge nesıe aldy. Jeńiskúl alǵan qarajatyna 24 bas sıyr alyp, endi mal basyn kóbeıtýdi josparlap otyr.
Otbasylyq bıznesti qolǵa alǵan anaǵa balalary men kelini kómektesedi. Uldary maldy syrtqa jaıyp, jem-shóbin ázirlese, kelini sıyryn saýyp, aıranyn pisip otyr.
Qazir «alma pis, aýyzyma tús» dep otyratyn zaman emes. Qoly qımyldaǵannyń ǵana aýyzy qımyldaıdy. Kópbalaly ana memleket maǵan qandaı kómek beredi dep eminbeı, óz násibin taýyp aldy. Uly Abyz aıtqan «eńbek etseń erinbeı, toıady qarnyń tilenbeı» degen osy.
Qyzylorda oblysy