Japondyq Panasonic kompanııasy Qytaı telekommýnıkasııalyq konglomeratyna qatysty AQSh engizgen shekteý sharalaryn saqtaý maqsatynda Huawei-men yntymaqtastyqty toqtata turý týraly málimdedi.
Málimdemede kompanııa AQSh úkimeti tyıym salǵan Huawei jáne onyń 68 fılıalymen ózara is-qımyldy toqtatýǵa májbúr ekendigi aıtylǵan. О́tken aptada AQSh Huawei kompanııasyn qara tizimge engizgen. Endi amerıkalyq kompanııalar arnaıy lısenzııasyz ol kompanııamen jumys isteı almaıdy. Tyıym quramdas bólikterdiń 25% nemese odan da kóp AQSh-ta óndiriletin taýarlarǵa qatysty.
Alaıda Donald Tramptyń prezıdent ákimshiligi Huawei-ge qatysty sanksııany úsh aıǵa keıinge qaldyrdy.
Aıta keteıik, 15 mamyrda Donald Tramp AQSh kompanııalaryna ulttyq qaýipsizdikke qaýipti dep sanalatyn fırmalar daıyndaǵan telekommýnıkasııalyq qural-jabdyqtardy paıdalanýǵa tyıym saldy.