Munaı baǵasy qalaı ózgeredi?

– Baǵanyń qalaı ózgeretini al­dymyzdaǵy maýsym aıynyń 26-syn­da Venada ótetin OPEK múshe­leriniń kezdesýine baılanysty bolyp tur. Iri ınvestorlar osy basqosýdyń nátı­jesine qarap áreket etedi. Menińshe, OPEK Taıaý Shyǵystaǵy ahýaldyń beıbit sheshilýin, AQSh pen Iran arasynda eshqandaı qarýly is-qımyl­dardyń bolmaýyn talap ete otyryp, munaı óndirý kólemin azaıtýdy jalǵastyra berý týraly sheshim shy­ǵa­rady, – deıdi sarapshy. 

Onyń aıtýynsha, Reseıdiń usta­nymy basqa memleketterge qaıshy ke­lýi ábden múmkin. Sebebi dál qazir Re­seı úshin munaıdy kóp óndirý, sóı­tip AQSh-qa shıkizat tasıtyn Vene­sýe­lanyń ornyn basý tıimdi. 

Qazir barrel baǵasy 68,7 dollarǵa satylýda. Qazirgi halyqaralyq na­ryq­ta qalyptasqan ahýaldy eskere oty­ryp, baǵa jýyq arada qarqyndy túrde kóteriledi dep kútýdiń qajeti joq. Munaı qazir qarjy quralynan gó­ri, saıası quraldyń qyzmetin kóbirek at­qarady, sol sebepti kóp nárse AQSh pre­zıdenti D.Tramptyń áreketi men álemdegi ekonomıkalyq ahýalǵa baı­la­­­nysty bolmaq. 

Qazirgi tańda 1 barreldiń baǵa­sy 70-75 dollardyń tóńireginde turaq­tasa, munaı eksporttaýshy elder úshin de, ımporttaıtyn elder úshin de tıim­di meje sol deýge bolady.