Elimizdiń epıdemıologııalyq jaǵdaıy turaqty

«2018 jyldyń osy kezeńimen salystyrǵanda A vırýstyq gepatıtimen aýyrǵandar 2,8 esege, bakterııalyq dızenterııamen syrqattanǵandar sany 44,9%-ǵa deıin azaıǵan. Al jelsheshek 32,8%-ǵa, enterobıoz 31,0%-ǵa, salmonellez 29,9%-ǵa, dermatomıkoz 16,0%-ǵa, tynys alý organdarynyń týberkýlezi 11,3%-ǵa, tumaý 11,0%-ǵa, JRVI 9,9%-ǵa tómendegen», dedi J.Bekshın.

Onyń aıtýynsha, týlıaremııa, qyzamyq, kene vırýsty ensefalıti, parotıt, bezgek, teri leıshmanıozy, alveokokkoz aýrýshańdyǵynyń birli-jarym jaǵdaılary tirkelgen. Sondaı-aq qosymsha vaksınasııanyń nátıjesinde sáýir aıynda qy­­zylsha aýrýy naýryzben salystyrǵanda 17,3% tó­men­degen. Bul aýrýǵa shal­dyqqandardyń 61,6%-y egil­megen balalar arasynda baı­qalǵan. «2019 jyldyń 1 qań­ta­rynan qazirgi ýaqytqa deıin qyzylshanyń 7560 jaǵdaıy tirkelgen, onyń ishinde 14 ja­sqa deıingi balalar ara­syn­­da 5339 jaǵdaı, ıaǵnı 70,6%. Epıdemıologııalyq kórsetkishter boıynsha oshaq­tarda ımmýndaý júr­giziledi, búginde 14794 adam egildi», dedi Bas memlekettik sanıtarlyq dáriger.

Balalardyń jazǵy demalys kezinde ishek ınfeksııasyna jıi shaldyǵatynyn jetkizgen ol durys tamaqtanýǵa kóńil bólý kerek ekenin eskertti. Son­daı-aq menıngokok ınfeksııa­sy boıynsha jaǵdaı turaqty ekenin aıtqan J.Bekshın: «Osy jyldyń basynan beri menıngokokk juqpasynyń 22 rastalǵan jaǵdaıy tirkeldi, byltyr osy kezeńde 60 naýqas anyqtalǵan edi», dedi.