Qyzylorda qalasynyń ákimi Nurlybek Nálibaev 200 balaǵa «Syrdarııa» tynyǵý lagerine joldama berdi.
- Balalardyń beıbit ómirinen artyq eshteńe joq. Sondyqtan da, búldirshinderdiń Táýelsiz eldiń beıbit aspanynda baqytty ómir súrýi úshin barlyq jaǵdaı jasaýǵa eńbek etetin bolamyz,- dedi ol.
Bıyl jazǵy demalys lagerimen, tynyǵý-saýyqtyrý oryndarymen 1-10 synyp aralyǵyndaǵy 53 myńǵa jýyq balalar qamtamasyz etiledi.
Oblystaǵy demalys oryndarynan bólek respýblıka kólemindegi tynyǵý-saýyqtyrý lagerlerine memlekettik bıýdjet esebinen, kásipodaq uıymynyń jáne demeýshilerdiń qoldaýymen barlyǵy - 17500 kópbalaly otbasynan shyqqan balalar tynyǵatyn bolady.
Jalpy, bıyl «Syrdarııa» balalar lagerinde 7 aýysymda 1 400 bala demalady dep josparlanyp otyr.
Qyzylorda oblysy