«Biryńǵaı terezeni» engizýdiń negizinde SEQ qatysýshylaryna sol nemese ózge qujattar men ruqsattar jınaý úshin ár túrli mekemelerge barý qajet bolmaıdy. Kedendik rásimderdi ótý prosesteri tezdetiledi jáne ońaılatylady, SEQ qatysýshylarynyń ýaqyt jáne qun shyǵyndary azaıady.
Sheshimder qabyldaý kezinde adam faktoryn boldyrmaý sybaılas jemqorlyq kórinisterin barynsha azaıtýǵa, kedendik jáne ózge de memlekettik organdary áreketteriniń aıqyndylyǵyn arttyrýǵa múmkindik beredi.
«Biryńǵaı tereze» portalynyń kómegimen SEQ qatysýshylary eksporttyq-ımporttyq operasııalar jasaý úshin qajetti aqparatty standarttalǵan túrde biryńǵaı ınterfeıs arqyly usyna alady. Sonymen birge, portal taýarlardy ákelý/áketý úshin qajetti aldyn ala aqparatty alý múmkindigin beredi. «Biryńǵaı tereze» arqyly eksporttyq-ımporttyq operasııalarǵa qajetti barlyq ruqsat qujattardy alý, oryndalý mártebesin, onyń ishinde memlekettik organdardyń júıelerimen ıntegrasııalaý esebinen baqylaý múmkindigi usynylatyn bolady. Portaldyń fýnksıonalyna jáne onyń negizgi elementterine mynalar kiredi:
- Elektrondy ruqsat qujattaryn jáne lısenzııalardy alý;
- Keden isi salasyndaǵy qyzmetti júzege asyratyn tulǵalardyń mártebesin alý boıynsha elektrondy qyzmet kórsetý;
- Elektrondy kedendik deklarasııalaý;
- Kedendik aldyn ala sheshimderdi berý boıynsha elektrondy qyzmet kórsetý;
- Integrasııalanǵan kedendik tarıf;
- Anyqtamalyqtar jáne qujattar tizilimi;
- Normatıvti-quqyqtyq qujattamany izdeý jáne qaraý.
Aǵymdaǵy jyldyń 27 naýryzynda «Biryńǵaı tereze» portalyn paıdalanýǵa engizýdiń birinshi kezeńi júzege asyrylǵan. 2019 jyldyń aıaǵyna deıin «Biryńǵaı tereze» mehanızmin ónerkásiptik paıdalanýǵa iske qosý josparlanǵan.
Eksporttyq-ımporttyq operasııalar boıynsha «Biryńǵaı tereze» portalynyń jeke paraǵynyń meken-jaıy – www.eokno.gov.kz (www.sw.gov.kz)
Portaldyń jumysyna qatysty máseleler boıynsha https://t.me/eoknokz siltemesi boıynsha Telegram buqaralyq tobyna habarlasýǵa bolady.