Bolashaqta qalanyń ákimshilik-iskerlik jáne mádenı ortalyǵy bolatyn bul jerde áleýmettik jáne sporttyq ǵımarattar, gúlzarlar, konsert zaly, balalar men jasóspirimder saraıy jáne taǵy basqa da kóptegen nysandar qurylysy salynady dep josparlanǵan.
– Qazir oblys ortalyǵynda 1500-den astam kópbalaly otbasy ataýly áleýmettik kómek alady. Olardyń 500-ge jýyǵy qoǵamdyq kólikte júrý jeńildigimen qamtamasyz etilgen. Kópbalaly ata-analarǵa balabaqshalarda 50% jeńildik qarastyrylǵan. Sonymen qatar, olardyń balalary sporttyq seksııalar men úıirmelerde tegin aınalysa alady. Al jazda «Salıýt» lagerinde demalýǵa múmkindik jasalǵan, – dedi qala ákimi Nurlan Áýbákirov.
Eske salsaq, bıylǵy jyldyń 1 mamyr kúni oblys ortalyǵynda 10 kópbalaly otbasy jańa páterlerdiń kiltine ıe bolǵan-tyn. Jalpy, Qaraǵandy qalasy boıynsha memlekettik turǵyn úı qorynan baspana alý kezeginde kópbalaly 494 otbasy tur.
Qaraǵandy oblysy