Bilim berýdiń biregeı brendi

N.Nazarbaev qatysýshy­lar­ǵa erekshe este qalatyn sal­ta­natty jıynǵa jınalyp otyr­ǵa­nyn jetkizip, «Sizder úlken ómirge qadam basqaly tursyzdar. Búgin – ata-analar, stýdentter, oqytýshylar úshin mereıli mereke. Barshańyzdy osy tabyspen quttyqtaımyn!» dedi. Elbasy­nyń aıtýynsha, NÝ – elimizdiń bilim berý júıesindegi biregeı joba. Bul respýblıkadaǵy bar­lyq joǵary oqý oryndaryna úlgi bolýy kerek. Sondaı-aq Nur­sul­tan Nazarbaev stýdentterdiń ǵy­ly­­mı-zertteý jumysynyń nátı­jeleri já­ne qol jetkizgen jetis­tik­­terin atap ótti.

– Byltyr Ǵylym jáne tehno­lo­gııa mektebiniń stýdenttik ko­man­dasy  Bostonda ótken iGEM gendik-ınjenerlik mashına­lar halyqaralyq baı­qaýyn­da altyn medal jeńip aldy. Ǵylymı ázirlemelerdi kommer­sııa­lan­dyrýǵa qatysty iGEM joba­syn atap ótýge bolady, – dedi Qazaq­stannyń Tuńǵysh Prezıdenti.

Elbasy Ýnıversıtettiń jo­­ǵar­y bilikti jáne básekege qa­bi­letti kadrlary Qazaqstan­nyń jo­ǵary tehnologııaly ın­dýs­t­rııa­­syn damytýǵa zor úles qosyp otyr­ǵanyn aıtty. – 2019 jyl Jastar jyly bolyp jarııalandy. Jastar – elimizdiń qazirgi álemdegi básekege qabilettiliginiń negizgi faktory. Qazaqstannyń bolashaǵy sizderge, sizderdiń bilimderińizge, kúsh-qýattaryńyz ben patrıottyq sezim­derińizge baılanysty. Sizder óz áleýet­terińiz men múm­kindik­terińizdi tolyq iske asyrý úshin biz barlyq jaǵdaıdy jasap otyrmyz, – dedi Nursultan Nazarbaev.

Qazaqstannyń Tuńǵysh Pre­zıdenti «NU – Nazarbaev Ýnı­versıtet» brendi álemdik akade­mııa­lyq ortada ǵana emes, sonymen qatar memlekettik basqarý, bıznes, medısına, ınnovasııa, IT-teh­no­lo­gııa salasynda keńinen tanymal bolǵanyn jetkizdi.

– Bul bastama Qazaqstanda ǵana emes, sondaı-aq búkil post­ke­ń­estik keńistikte ozyq joba­ǵa aınalyp, óz salasynda kósh bas­tady. Ýnıversıtet qysqa mer­zim ishinde joǵary bilikti kásibı kadrlar daıyndaıtyn, sondaı-aq otandyq ǵylymı zertteýler men ázirlemelerdi damytatyn elimizdiń bedeldi oqý orny retinde qalyptasty. Bilim or­dasynyń basty aktıvi – onyń zııat­kerlik áleýeti sanalatyn adam­dar – oqytýshylar, stýdentter, ba­s­qarýshy personal, – dedi Elbasy.

Nursultan Nazarbaev túlek­terdi elimiz ben qoǵamy­myzdy damytý isine belsene atsalysýǵa shaqyrdy.

– Sizder joǵary bilikti mamandar ǵana emes, sondaı-aq azamattyq jaýap­kershilikti sezi­netin qoǵamnyń belsendi mú­she­leri bolýlaryńyz kerek. Oqýdy odan ári jalǵastyrý, el ıgiligi úshin eńbek etý, Qazaq­stan­nyń atynan shetelde bolý nemese óz isińizdi bastaý sııaqty qandaı da bir joldy tańdasańyzdar da siz­derge aq jol tileımin, jos­par­lary­ńyz tabysty iske asa bersin, – dedi Qazaqstannyń Tuńǵysh Prezıdenti.

Elbasy quttyqtaý sózin: «Jer betinde bizdiń jalǵyz Otanymyz bar. Ol – Qazaqstan. 

Sondyqtan búgingi túlek­terdiń ár salada jemisti ju­mys istep, el ıgiligi úshin eńbek ete­ri­ne senemin!», dep túıin­dedi. 

N.Nazarbaev quttyqtaýdan keıin eń úzdik akademııalyq úlgerim kórsetken túlekterge óz qoly­men dıplom tabys­tady. Al bitirýshiler óz keze­ginde El­basyna, ýnıversıtet bas­shy­ly­ǵy men oqytýshylaryna Qazaq­­standa sapaly bilim men halyqaralyq dárejede dıplom alǵanyna alǵys aıtty.  

Budan keıin N.Nazarbaev ýnıversıtettegi  jańadan ashyl­­ǵan Atletıkalyq or­talyqta bol­dy. Bul – jalpy aýda­ny 19 000 sharshy metrdi quraı­tyn, 660 kórermen­ge arnal­ǵan olım­pıadalyq basseın jáne par­ket­tik arenasy bar kóp fýnksıonaldy sport ǵı­ma­raty. Ortalyqta skvosh-kort, jek­pe-jek zaly, jattyǵý zaly, sem­ser­lesý aımaǵy, kafeterııler men ofıs­tik úı-jaılar bar. Aıta kete­ıik, nysannyń ınf­raquryly­my múmkindigi shek­teýli adam­dar­ǵa kedergisiz keńis­tik syılaıdy. Ortalyq NÝ stý­dent­terin salamatty ómir saltyn ustanyp, sportty ómirlik serik etýine jaǵdaı jasaý maqsatynda boı kótergen.  

Alǵash ret 2015 jyly ýnıversıtetten 522 túlek qanat qaqqan edi, bitirýshiler sany bıyl eki esedeı kóp. Bıylǵy túlekterdiń 565-si bakalavr, 378-i magıstr, 6-ýy doktorant jáne 14-i medısına doktory dárejesin aldy. Bakalavrıat stýdentteriniń basym bóligi (270) ǵylym jáne tehnologııalar, ınjenerııa (225) salasyn, qalǵan 168 túlek gý­manı­tarlyq jáne áleýmettik ǵy­lymdar mektebin támamdady. Ma­gıstrler arasynda bıznes, bilim berý, memlekettik saıasat, ın­jenerııa, ǵylym jáne tehnologııalar, gýmanıtarlyq jáne áleýmettik ǵylymdar, medısına sala­syn bitirýshiler bar. 

Bıylǵy magıstratýrany aıaqtaǵandardyń arasynda alǵash ret taý-ken ınjını­rıng salasyndaǵy bola­shaq mama­ndar daıyndalǵan. Al doktorant­tardyń 3-eýi bilim berý jáne 3-eýi ınjenerııa salasyn bitirgen. 

NÝ stýdentterin daıarlaýǵa AQSh, Ulybrıtanııa, Kanada, Grekııa, Italııa, Ońtústik Koreıa, Reseı, Aýstralııa, Túrkııa jáne Úndistan elderiniń úzdik ulttyq jáne halyqaralyq zertteýshileri jumysqa shaqyrylǵan. Oqytý­shy-professorlar men ǵylymı qyzmetkerlerdiń 74 paıyzy (477 adam) álemniń 53 elinen kelgen, al 26 paıyzy – ulttyq kadrlar. 

Shyryn Battalova qarjy salasy boıynsha magıstra­týrany oqyp shyqty. Ol ýnı­versıtetke túsý de, oqý da ońaı emesin aıtady. «Oqý orny­na qabyldaý kezinde úlken irik­teýden óttik. Mundaǵy stý­dent­terdiń árbiri – bilikti, bilim­di, naǵyz úzdik­ter. Olarmen birge oqyǵanyma maqtanamyn. Biz – qarjy salasyn bitirgen alǵashqy magıstranttarmyz. Sondyqtan bizge artylatyn jaýapkershilik te joǵary», deıdi Shyryn. Onyń aıtýynsha, qazirdiń ózinde birneshe mekemeden, sonyń ishinde Ulttyq bank­ten jumysqa shaqyrtý túsken. Magıstr-qarjyger elimizdiń ınternet bankıngin damytýǵa úles qosýdy maqsat etedi. «Elektrondy úkimet portaly sekildi bankterdi bir júıege biriktirip, sıfrly jaǵdaıyn jaqsartýdy qalaımyn.  Sol baǵytta ǵylym men tájirıbede eleýli jetistikterge qol jetkiz­gen otandyq jáne sheteldik professorlardan tálim aldym», deıdi ol.

Túlekterdi Elızabet Tur­synbaeva, Iýlııa Galysheva, Qara­qat Ábildına, Dınara Sádýa­qasova, Aleksandr Vınokýrov, Serik Sápıev, Erjan Maksım syndy sport pen óner salasy­nyń belgili ókilderi quttyqta­dy. Olar vıdeo joldaý arqyly bitirýshilerdi elge eńbek etýge shaqyrdy.