Qorǵanys mınıstrligi áskerı qyzmetshilerige aqshalaı úles, járdemaqylar jáne ózge de tólemderdi tóleý qaǵıdalaryna ózgerister engizdi. Endi áskerılerge 425 myń teńgege deıin kómek beriledi, dep habarlaıdy Egemen.kz.
Qaǵıdalarǵa «ister men laýazymdy qabyldaý kúni» jáne «ister men laýazymdy tapsyrý kúni» degen jańa uǵymdar engizilgen. Bul kúnder komandır buıryǵymen bekitilip, aqshalaı úlesti esepteý kezinde eskeriledi. Sonymen qatar jekelegen tólemderdi esepteý tártibi de naqtylandy. Mysaly, áskerı qyzmetten teris sebeptermen bosatylǵan jaǵdaıda saýyqtyrýǵa arnalǵan járdemaqy aıdaǵy naqty kúntizbelik kúnderge proporsıonaldy túrde esepteledi. Qujatta syıaqy berý tártibi de aıqyndalǵan.
Áskerı qyzmetshilerdiń aqshalaı úlesi men járdemaqysy: Erejege qandaı ózgerister endi?
Áskerı qyzmetshiler erekshe mańyzdy ári kúrdeli tapsyrmalardy oryndaǵany, joǵary nátıjelerge qol jetkizgeni jáne qyzmettik mindetterin úlgili atqarǵany úshin yntalandyrylýy múmkin. Syıaqylar memlekettik jáne kásibı merekelerge, sondaı-aq mereıtoılyq kúnderge oraı beriledi. Mereıtoılyq jas 40 jastan bastap árbir bes jyl saıyn esepteledi.
О́zgeristerdiń áleýmettik qoldaý bóligine sáıkes áskerı qyzmetshilerge beriletin materıaldyq kómektiń mólsheri ulǵaıtylǵan. Endi onyń kólemi eń tómengi jalaqyǵa baılanysty esepteledi, bul bıyl 85 000 teńgeni quraıdy.
Bıyl áskerı jıyndarǵa qansha azamat shaqyrylady?
Materıaldyq kómek bıýdjet qarajatynyń únemdelýi esebinen tólenedi. Jaqyn týystarynyń, jubaıynyń nemese qaıyn jurtynyń qaıtys bolýy jaǵdaıynda ol eń tómengi jalaqynyń bes eselengen mólsherine deıin (425 myń teńgege deıin) jetýi múmkin. Al nekege turý, bala týý, bala asyrap alý, múliktik zalal nemese emdelý qajet bolǵan jaǵdaıda úsh eselengen mólsherge deıin (255 myń teńgege deıin) beriledi.
Mınıstrlik málimetinshe, bul ózgerister tólemder júıesiniń ashyqtyǵy men ádildigin arttyrýǵa jáne áskerı qyzmetshilerdiń áleýmettik qorǵalýyn kúsheıtýge baǵyttalǵan.