Jyl saıyn 28 sáýirde atap ótiletin Dúnıejúzilik eńbekti qorǵaý kúni jumyskerlerdiń quqyqtaryn qorǵaý men qaýipsiz eńbek jaǵdaılaryn qamtamasyz etýge nazar aýdarýdy kózdeıdi. Qazaqstanda óndiristik jaraqattaný deńgeıi tómendep keledi. Sońǵy bes jylda óndiriste zardap shekkender sany 8,3%-ǵa azaıǵan. Bul – eńbek qaýipsizdigin kúsheıtý baǵytynda qabyldanǵan júıeli sharalardyń nátıjesi, dep jazady Egemen.kz.
Eńbek jáne halyqty áleýmettik qorǵaý mınıstrliginiń málimetinshe, elimizde jyl saıyn óndiriste 1 000-nan astam jazataıym oqıǵa tirkeledi, onyń shamamen 200-i qaıǵyly jaǵdaımen aıaqtalady. Salalar ishinde eń joǵary kórsetkish taý-ken metallýrgııa keshenine tıesili – 17-18%, al qurylys salasynda 10-12% deńgeıinde.
Aqsý ferroqorytpa zaýytynda jumysshy qaza tapty
Qazirgi tańda shamamen 500 myńǵa jýyq adam zııandy jáne qaýipti jaǵdaıda eńbek etedi, 100 myńnan astamy aýyr dene eńbegimen aınalysady. Jyl saıyn 650-700 myńǵa jýyq jumyskerge osyndaı eńbek jaǵdaıy úshin ótemaqy tólenedi.
Qaýipsiz eńbek jaǵdaılaryn qamtamasyz etý úshin 3 000-nan astam kásiporynda eńbekti qorǵaý standarttary engizilgen. 2019 jyldan beri «Nóldik jaraqattaný» (Vision Zero) tujyrymdamasyna 600-den astam kásiporyn qosyldy. Sondaı-aq 300-den astam kásiporynda qaýipsizdikti baqylaýdyń modeli engizildi.
Pavlodarda jer opyrylyp, eki jumysshy qaza tapty
Jumyskerlerdi áleýmettik qorǵaý maqsatynda 2024 jylǵy 1 qańtardan bastap arnaıy áleýmettik tólem qarastyrylǵan. Ony 55 jasqa tolǵan jáne keminde 7 jyl kásiptik zeınetaqy jarnalary tólengen azamattar ala alady.
Elimizde 2030 jylǵa deıingi Qaýipsiz eńbek tujyrymdamasy júzege asyrylyp jatyr. Onyń aıasynda Kásiporyndardyń sıfrlyq kartasy men Eńbek táýekelderiniń sıfrlyq kartasy iske qosylyp, eńbek qaýipsizdigin naqty ýaqyt rejıminde baqylaýǵa múmkindik berildi. Sonymen qatar jasandy ıntellektke negizdelgen quraldar engizilip, táýekelderdi aldyn ala anyqtaý júıesi damyp keledi.
Orlov shahtasynda jumysshy qaza tapty