Ulttyq statıstıka bıýrosy 2025 jyldyń qorytyndysy boıynsha halyqtyń tabysy men shyǵystaryna qatysty esepti jarııalady. Málimetterge sáıkes, elimizde jan basyna shaqqandaǵy ortasha jyldyq aqshalaı tabys 1,45 mln teńgeni qurady, dep habarlaıdy Egemen.kz.
Zertteý nátıjeleri kórsetkendeı, qazaqstandyqtardyń tabys kózi men shyǵys qurylymynda aıtarlyqtaı óńirlik jáne áleýmettik alshaqtyqtar baıqalady.
Halyqtyń negizgi kúnkóris kózi retinde eńbekaqy (969,5 myń teńge);men memlekettik qoldaý qalyp otyr (261,4 myń teńge).
Elimizde ortasha jalaqyny esepteý erejeleri ózgeredi
Bir adamnyń ortasha jyldyq shyǵyny 1,3 mln teńgeni qurady. Aamattardyń tabysynyń eń úlken bóligi qaıda jumsalatyny anyqtaldy:
Azyq-túlik – 672,1 myń teńge. Tutyný sebetinde et jáne et ónimderi, nan, sút taǵamdary men kókónister kósh bastap tur.
Azyq-túlik emes taýarlar – 269,1 myń teńge.
Aqyly qyzmetter – 240,1 myń teńge.
Densaýlyq saqtaý – 36,2 myń teńge (negizinen dári-dármek pen stomatologııalyq qyzmetter).
Bilim berý – 25 myń teńge (balabaqsha men joǵary bilim shyǵyndary).
Sondaı-aq halyqtyń qaryz júktemesi de nazardan tys qalmady: nesıe men qaryzdy óteýge ortasha eseppen 84,2 myń teńge baǵyttalǵan.
Elimizde ortasha jalaqy mólsheri qansha teńge?
Tabys deńgeıi boıynsha óńirler arasynda eki esege jýyq aıyrmashylyq bar:
Kóshbasshylar: Astana (2,05 mln teńge) jáne Qaraǵandy oblysy (2,03 mln teńge).
Tómengi kórsetkish: Túrkistan oblysy (922,8 myń teńge).
Shyǵyndar boıynsha da Qaraǵandy oblysy men Almaty qalasy alda. Al nesıelik júkteme eń joǵary aımaq retinde Ulytaý oblysy tanylsa, Shymkent qalasynyń turǵyndary eń az qaryz alǵandar sanatyna jatty.
Nesıe tólemin keshiktirgende neni bilgen jón?
Qalalyqtardyń jyldyq shyǵyny (1,4 mln teńge) aýyl turǵyndarynan (1,03 mln teńge) joǵary. Qalada turǵyndar aqyly qyzmetterge kóbirek júginse, aýyldyq jerde óz qosalqy sharýashylyǵynyń ónimderin paıdalaný úlesi joǵary.