Sonyń ishinde 100 eldi mekenge deneshynyqtyrý jáne sporttyq saýyqtyrý keshenderin salý, sporttyq ınfraqurylymdardyń tıimdiligin arttyrý jáne olardyń barlyq balaǵa qoljetimdiligi týraly aıtyldy.
Otyrysty Senattyń Áleýmettik-mádenı damý jáne ǵylym komıtetiniń tóraǵasy Birǵanym Áıtimova ashyp, júrgizip otyrdy. О́ziniń sózinde ol Tuńǵysh Prezıdent – Elbasy Nursultan Nazarbaevtyń «Qazaqstandyqtardyń ál-aýqatynyń ósýi: tabys pen ómir sapasyn arttyrý» atty Joldaýynda berilgen tapsyrmalardy eske salyp, soǵan baılanysty atqarylyp jatqan jumystarǵa sholý jasady. Sonymen birge Qazaqstan Respýblıkasynda deneshynyqtyrý men sporttyń 2025 jylǵa deıingi damý tujyrymy bekitilgenin jetkizdi. Onda sportty joǵary nátıje kórsetý úshin ǵana emes, jappaı aınalysyp, densaýlyqtyń jaqsarýyna paıdalaný joldary kórsetilgeni atap kórsetildi.
Mádenıet jáne sport mınıstriniń orynbasary Eldos Ramazanov Elbasynyń tapsyrmalaryn vedomstvonyń qalaı oryndap jatqany týraly tolymdy málimet berdi. Sonyń ishinde salanyń normatıvtik-quqyqtyq bazasyn kúsheıtý boıynsha 2018-2019 jyldary kóptegen jumys atqarylǵany aıtyldy.
«Osy ýaqyt aralyǵynda 23 normatıvtik-quqyqtyq akt qabyldandy, «Qazaqstan Respýblıkasynyń keıbir zańnamalyq aktilerine deneshynyqtyrý jáne sport máseleleri boıynsha ózgerister men tolyqtyrýlar engizý týraly» zań jobasy ázirlendi», dedi ol. Vıse-mınıstr óziniń sózinde Elbasynyń tapsyrmalaryn oryndaý maqsatynda 2019 jyly – 22, 2020 jyly – 37, 2021 jyly 41 dene shynyqtyrý jáne sporttyq-saýyqtyrý keshenderi josparlanǵanyn aıtty.
Úkimet saǵatynda kóterilgen máselelerge baılanysty senator D.Nóketaeva, Nur-Sultan qalasy ákiminiń orynbasary E.Qanalymov, Ulttyq Olımpıada komıteti dıreksııasynyń dırektory E.Qanaǵatov jáne t.b. oı-pikirlerimen bólisti.
Úkimet saǵatynyń qorytyndysy boıynsha usynymdar ázirlenip, ol Úkimetke joldanatyn boldy.