Indýstrııa jáne ınfraqurylymdyq damý mınıstri R. Sklıar, Aýyl sharýashylyǵy mınıstri S. Omarov halyqty sapaly aýyz sýmen qamtamasyz etý jóninde baıandady, sondaı-aq Almaty oblysynyń ákimi A. Batalovtyń, Qyzylorda oblysynyń ákimi Q. Kósherbaevtyń, Jambyl oblysynyń ákimi A. Myrzahmetovtyń, Qaraǵandy oblysynyń ákimi E. Qoshanovtyń baıandamalary tyńdaldy.
Sondaı-aq, máseleni qaraý barysynda sýmen jabdyqtaý jáne sý tartý sektoryna belsendi túrde qatysatyn uıymdardyń ókilderi sóz sóıledi.
Shymkent qalasyndaǵy «Sý resýrstary – marketıng» JShS jeke sý arnasynyń qadaǵalaýshy keńesiniń tóraǵasy A. Orman halyqaralyq qarjy uıymdary salǵan ınvestısııalardyń nátıjesinde azamattarǵa usynylatyn qyzmetterdiń sapasy artqanyn aıtty. 2010 jyldan bastap 2 MVT boıynsha kún jáne sý qýaty stansııalary salynyp, paıdalanýǵa berildi, 947 shaqyrym sýmen jabdyqtaý jelisi jáne 67 shaqyrym káriz jelisi rekonstrýksııalandy. Sıfrlyq tehnologııalardy qoldaný arqyly aýyz sýdy óndirý jáne tasymaldaý tásilderi jańǵyrtyldy. Búginde tazartý nysandary avtomatty rejımde basqarylady.
«Salynǵan ınvestısııalar tutynýshylarǵa deıin sýdy úzdiksiz berýdi qamtamasyz etýge, sondaı-aq, ekologııalyq jáne sanıtarlyq talaptarǵa sáıkes aǵyn sýlardy tolyqtaı tazartýǵa jol ashty. Normatıvtik-tehnıkalyq shyǵyndar 2,4 esege qysqardy. 1 m² sýdy óndirýge jumsalatyn elektr energııasynyń shyǵyndary 12 esege qysqardy», — dedi A. Orman.
О́z kezeginde, Eýropa qaıta qurý jáne damý banki ókildiginiń dırektory Agrıs Preımanıs TKSh sektory Qazaqstandaǵy EQQDB jumysynyń basym baǵyttarynyń biri ekenin atap ótti. Elimizdiń óńirlerinde iske asyrylyp jatqan sýmen jabdyqtaý jáne sý tartý sektoryna 30 mlrd-tan astam teńge ınvestısııalandy. Birlesip atqarǵan jumystyń nátıjesinde aýyz sý sapasy jaqsartyldy, sý berý kólemi ulǵaıtyldy, shyǵyndar tómendetildi, jetkizilgen sýdy esepke alý paıyzy artty jáne t.b. A. Preımenıstiń aıtýynsha, osyǵan uqsas jumys sýmen jabdyqtaý, sý tartý, kárizdik tazartý nysandary salalarynda qyzmet kórsetetin basqa kompanııalarda júrgizilýi múmkin.
Qorytyndylaı kele, Úkimet basshysy eldi mekenderdi sapaly aýyz sýmen qamtý jáne sýmen jabdyqtaý máselesiniń mańyzdylyǵyn atap ótti, atalǵan máseleni sheshý halyqtyń turmys sapasyn jaqsartýǵa tikeleı áser etedi.
«Qabyldanyp jatqan sharalar 2023 jyly halyqty aýyz sýmen 100% qamtamasyz etý máselesin sheshýge jol ashady», — dedi Premer-Mınıstr Asqar Mamın.
Almaty jáne Qyzylorda oblystarynda aýyldardy aýyz sýmen qamtýdyń joǵary paıyzy belgilengen. О́z kezeginde, Jambyl, Qostanaı jáne Pavlodar oblystarynyń ákimdikterine atalǵan baǵyttaǵy jumysty jandandyryp, aýyldardy sýmen turaqty túrde qamtamasyz etý sharalaryn kúsheıtý tapsyryldy.
«Ákimdikter jumysynyń nátıjeliginiń jańa kórsetkishin anyqtaý qajet – bul halyqtyń taza aýyz sýǵa qoljetimdiligin qamtamasyz etý», — dep A. Mamın, aýyldyq, toptyq sý taratqyshtardy jaqsartý maqsatynda osy fýnksııalardy Aýyl sharýashylyǵy mınıstrligine ótkizý máselesin pysyqtaýdy tapsyrdy.
Premer-Mınıstr 2023 jyly qalalar men aýyldardy sýmen jabdyqtaýmen júz paıyz qamtamasyz etý maqsatynda óńirlik josparlarǵa túzetýler engizip, barlyq sýmen qamtý nysandaryn paıdalanýǵa berý sharalaryn qabyldaýdy tapsyrdy.
Qalalarda kárizdik tazartý nysandaryn (KTN) salý jáne jańǵyrtý jumystaryn jedeldetýge jekeleı kóńil bólindi. Bul baǵytta KTN jobalarynyń ınvestısııalyq tartymdylyǵyn arttyrý jumystary júrgizilip jatyr. Kóptegen halyqaralyq qarjy ınstıtýttary osyǵan uqsas jobalardy qarjylandyrýǵa qyzyǵýshylyq tanytyp jatyr. Premer-Mınıstr A. Mamın halyqaralyq tájirıbeni eskere otyryp, memlekettik-jekemenshik áriptestik aıasynda qarjylandyrý tetikterin pysyqtaýdy tapsyrdy.
«Elbasynyń Qaýipsizdik keńesiniń otyrysynda azamattardyń turmys sapasyn, qolaılylyǵyn jaqsartý, qala nemese aýyldyq jer ekenine qaramastan, halyqty sapaly aýyz sýmen qamtý jáne sýmen jabdyqtaý boıynsha alǵa qoıǵan mindetin oryndaý qajet», — dedi Asqar Mamın. — Prezıdent Qasym-Jomart Toqaevtyń óńirlerge jumys saparlary barysynda berilip jatqan, qalalar men aýyldardy sýmen qamtamasyz etý jónindegi tapsyrmalaryn oryndaý boıynsha aýqymdy jumystardy atqarýymyz kerek».