Kóp balaly otbasylarǵa arnalǵan 150 páter qalalyq «Berekeli baspana» jaldamaly baspana baǵdarlamasy aıasynda tabystalady. Páterlerdi berý eki kezeńnen turady. Onyń alǵashqy kezeńinde 17 maýsymǵa deıin qujattar jınaý jáne qabyldaý jumystary, al 15 shildeden bastap qonystandyrý jumystary júrgiziledi.
Ákimdikte atap ótkendeı, qabyldanyp jatqan sharalar az qamtylǵan kóp balaly otbasylardyń baspana jaǵdaıyn jaqsartýǵa múmkindik beredi. Bul óz kezeginde halyqtyń ál-aýqatynyń joǵarylaýyna septigin tıgizedi.
Aıta keteıik, búginde elordada 46 myń adam turǵyn úı alý kezeginde tur, onyń 3000-nan astamy kóp balaly otbasylar. Turǵyn úı kezeginde halyqtyń áleýmettik jaǵynan osal toptaryna jatatyn azamattar tur, olardyń qatarynda kóp balaly analar, turmysy tómen azamattar, múmkindigi shekteýli jandar bar. Elordada osy jyldyń sońyna deıin shamamen 2 myń páter beriledi.
«Kóp balaly otbasy» sanatynda turǵyn úı kezeginde turǵan kóp balaly otbasylar Nur-Sultan qalasy ákimdiginiń «Turǵyn úı qory» kommýnaldyq memlekettik mekemesine (R. Qoshqarbaev, 39) júginýi tıis, baılanys nómiri: 79-34-50.