Men 2000-2007 jyldardyń aralyǵynda Qyrǵyzstannyń Qazaqstan Respýblıkasyndaǵy Tótenshe jáne ókiletti elshisi qyzmetin atqardym jáne Qasym-Jomart Toqaevpen jaqyn tanys boldym. Ol sol ýaqytta Qazaqstannyń Syrtqy ister mınıstri edi jáne tek óz eliniń ǵana emes, búkil postkeńestik aýmaqtyń iri saıası fıgýrasyna aınalyp úlgergen. Q.Toqaev myrza sol kúrdeli kezeńde jas saıasatker bolsa da Qazaqstannyń ulttyq múddelerin qaısar minezimen qorǵaıtyn kásibı dıplomat, bedeldi tulǵa retinde tanyldy.
N.Á.Nazarbaevtyń dana basshylyǵymen jáne Q.Toqaevtyń tikeleı aralasýymen Qazaqstanda ıadrolyq qarýsyz aımaq qurýdan bastap Azııada senim sharalaryn nyǵaıtýǵa baǵyttalǵan AО́SShK uıymynyń negiz qalaý sekildi kúrdeli máselelerdiń sheshimi tabyldy. Ol óziniń uzaq qyzmet jyldarynda Qazaqstannyń dıplomatııa salasynyń abyroıyn asqaqtatýǵa bar kúshin saldy.
Qasym-Jomart Kemeluly qajet jerde talapshyl, jyldam sheshim qabyldaıtyn daryndy azamat. Onyń bul qasıetteri tek óz elinde ǵana emes, shetelderde de moıyndalǵan. Eger ol el basshylyǵyna keletin bolsa, onda Qazaqstannyń jańa belesterdi baǵyndyrýǵa múmkindikteri arta túspek.
Jumagul SAADANBEKOV,
Qyrǵyz Respýblıkasynyń qoǵam qaıratkeri