Qazaqstandaǵy prezıdenttik saılaýǵa baıqaýshy bolyp tirkelgen reseılik akter Aleksandr Rapoport ózi aralap kórgen saılaý ýchaskelerinde barlyǵy birqalypty, bekitilgen talaptarǵa saı ótkenin aıtty.
− Ár memlekettiń saılaý ótkizýde ózindik erekshelikteri bar. Menińshe, Qazaqstandaǵy saılaýda bekitilgen shekten aspaıtyny, qaýipsizdik máselesi birinshi orynda turǵandyǵymen erekshe. Onyń ústine qazaq halqynyń qonaqjaı, merekelik darqan kóńili saılaý naýqanynda da seziledi. Buny menen basqa da baıqaýshylar aıtyp jatyr, – dedi halyqaralyq baıqaýshy.
Aıta keterligi, qazaq kórermenderine keńinen tanymal «Kóshbasshy joly» fılmine túsken reseılik ártis Aleksandr Rapoport 30 jyldan beri Nıý-Iorkte turady. Onyń aıtýynsha, Batys pen Shyǵysta saılaýǵa kelýshi halyqtyń tanym-túsiniginde aıyrmashylyqtar bar.
Erkejan AITQAZY,
«Egemen Qazaqstan»