Bizdiń platforma saılaýǵa halyqtyń atynan atsalysty. Halyq tańǵy besten bastap elordadaǵy №111 ýchaskege jınala bastady. Sonda 83 jastaǵy alǵashqy saılaýshyny kórdim. Qanshaıym apa balalarynyń bolashaǵy úshin óz tańdaýyn jasaýǵa kelipti. Birinshi saılaýshy bolǵandyqtan, oǵan syılyq tabystaldy.
Saılaýdyń ádil ótýine atsalysyp jatqanymdy úlken jaýapkershilik dep qabyldaımyn. Men alǵash ret baıqaýshy bolyp turmyn. Jalpy, munda 4661 saılaýshy tirkelgen. Bir saǵattyq baqylaý barysynda 100-ge jýyq adam daýys bergenin kórdim. Bul – qarqyndy belsendilik. Ázirge quqyq buzýshylyq baıqaǵan joqpyn. Daýys berýge 1 saǵat qalǵanǵa deıin barlyq qujattardy, kabınalardy tekserip shyqtym. Barlyǵynyń zań aıasynda ótýine tilektespin!
Aınur JANDOSQYZY,
«Amanat» azamattyq platformasynyń baıqaýshysy