Kezdesýge «Dúnıejúzi qazaqtary qaýymdastyǵy» oblystyq fılıalynyń, oblystyq ishki saıasat basqarmasynyń basshylary, «Otandastar» kommersııalyq emes AQ mádenı-ǵylymı departamentiniń mamandary men óńirdegi stýdent jastar qatysty.
Bul kúnderi Monǵolııadan, Qytaıdan kelgen qazaq jastary oblys ortalyǵyndaǵy S. Toraıǵyrov atyndaǵy memlekettik ýnıversıtet, pedagogıkalyq ýnıversıtette jáne Innovasııalyq Eýrazııalyq ýnıversıtetiń «Foundation» dep atalatyn daıyndyq bóliminde oqıdy.
Qazir «Foundation» fakýltetindegi daıyndyq bóliminde Mońǵolııa, Qytaı, О́zbekstan jáne Reseı elderinen kelgen 120-ǵa jýyq jas bilim alýda. Bıyl shette turatyn qazaq jastary úshin bólinetin granttar sany eki esege artyp, keletin stýdentter qatary kóbeımek.
Dúnıejúzi qazaqtar qaýymdastyǵy oblystyq fılıalynyń tóraǵasy Bolat Zaýttyń sózinshe, maqsat-jastarymyzdy atamekenge ákelý. Byltyr pedagogıkalyq ınstıtýtta daıyndyq toby ashylyp, oǵan 38 talapker qabyldanǵan.
Jastardyń barlyǵy tegin jataqhanamen qamtamasyz etilgen. Stýdentterdi tegin emdeý jóninde qaladaǵy emhanalardyń birimen kelisimshart jasalǵan.
- Biz jyl saıyn alys-jaqyn shetelderde turyp jatqan qazaqtarmen kezdesip, olardyń ul-qyzdaryn atamekenge tartý jóninde úgit-nasıhat júrgizemiz. О́zge elde turatyn jastarymyzdyń arasynda elge kelip, bilim alyp, turaqtap qalǵysy keletinder kóp.
Bilim jáne ǵylym mınıstrligi granttar sanyn eki esege deıin kóbeıtýde. Elimiz boıynsha granttar sany 2,5 myńǵa jetse, onyń 200-i bizdiń oblystaǵy joǵary oqý ornyna beriledi.
PMÝ «Foundation» fakýltetiniń oqytýshysy Alýa Jaqanovanyń sózinshe, oqý baǵdarlamasyna sáıkes shetten kelgen balalardy matematıkalyq jáne oqý saýattylyǵy, Qazaqstan tarıhy, qazaq tili, orys tili, qazaq ádebıeti, matematıka, fızıka, bıologııa, hımııa, aǵylshyn tili, geografııa pánderi boıynsha daıyndalýda.
Qazaq tili sabaǵy qosymsha oqytylady. Sonymen qatar, ózge elde týyp-ósken balalar qazaq qoǵamyna tez beıimdelip ketýi úshin patrıottyq, quqyqtyq, adamgershilik baǵytynda tárbıe jumystary júrgiziledi.
Al, «Otandastar» kommersııalyq emes AQ mádenı-ǵylymı departamentiniń qyzmetkeri Nurymjan Jumaǵazınniń málimetinshe, kvota 1500 oryn. Kvota UBT tapsyrǵan kezde baldy jınaı almaǵan jaǵdaıda JOO-ǵa túsýge múmkindik beredi. Sheteldegi qandastarymyz emtıhanǵa qujattaryn onlaın rejımde tapsyryp, oqýǵa túse alady. Olar úshin jatyn orny, stıpendııa qarastyrylǵan.
Sondaı-aq, oblystyq ishki saıasat basqarmasynyń basshysy Ernur Dáýenov UBT-ǵa daıyndyqtyń ádis-tásilderimen bólisti.