Shymkentte eki birdeı Olımpıada qatysýshysy Álııa Iýsýpovanyń júldesi úshin uıymdastyrylǵan kórkem gımnastıkadan halyqaralyq týrnır aıaqtaldy.
Dástúrli týrnırde bıyl segiz eldiń 100-ge jýyq sportshysy baq synady. Atap aıtqanda Ázirbaıjan, Belarýs, Izraıl, Reseı, Qyrǵyzstan, О́zbekstan, Ýkraına jáne Qazaqstan gımnastary Iýsýpovanyń júldesi úshin saıysqa tústi.
5 kúnge jalǵasqan halyqaralyq dodanyń qorytyndysy boıynsha qazaqstandyq sportshy Roza Abıtova jeńimpaz atandy.
Týrnır birneshe jas sanatynda ótti. Negizgi kategorııada - «senorlar» - alty elden kelgen 17 gımnast baq synady. 8 elden kelgen ókilder medaldar úshin ózara synǵa tústi. Jarys nátıjesinde 74,55 upaı jınaǵan Roza Ábitova jeńiske jetti. Belarýsııalyq Anna Kamenshıkova 70,8 ballmen kúmis medaldi jeńip aldy. О́zbekstan atynan shyqqan Nargıza Djýmanııazova 63,6 upaı ıemdenip, tuǵyrdyń úshinshi satysyna kóterildi.