Bul týraly Parlament Senatynyń baspasóz qyzmeti habarlady.
12 maýsymda Darıǵa Nazarbaevanyń tóraǵalyq etýimen Parlament Senatynyń otyrysy boldy. Onda depýtattar Qazaqstan Respýblıkasynyń Prezıdentine Ulttyq qaýipsizdik komıtetiniń tóraǵasy etip Kárim Másimovti taǵaıyndaýyna kelisim berdi.
UQK Tóraǵasyn qyzmetke taǵaıyndaýǵa kelisim berý Senattyń erekshe qaraýyna jatady.
Parlament Senatynyń Halyqaralyq qatynastar, qorǵanys jáne qaýipsizdik komıtetiniń tóraǵasy Muhtar Qul-Muhammed «K.Másimov barlyq jumys aýmaqtarynda ózin prınsıpti, joǵary bilikti memlekettik qaıratker, óz isine jáne Otan aldyndaǵy boryshyna adaldyǵyn kórsetip keledi», - dep atap ótti.
Depýtattar bul usynysqa biraýyzdan daýys berdi.