Murajaılar festıvali

Murajaılar máslıhat qurǵan sharanyń saltanatty ashylýynda Jezqazǵan qalasy ákiminiń orynbasary Zına Aqylbekova, Qa­­raǵandy oblysynyń má­­denıet, mura­ǵattar já­ne qujattama bas­qar­­ma­sy­nyń basshysy Erke­bu­lan Aǵymbaev jáne «Mu­­raǵat-2025» ǵylymı-ádis­temelik ortalyǵynyń je­tek­shisi Berik Ábdiǵalıuly, ob­lystyq máslıhattyń de­­pý­taty, mesenat Bekzat Al­tynbekov  quttyqtaý sóz sóıledi.

Festıvaldyń alǵashqy kúni «О́z esimińdi tarıhta qaldyr» aksııasy ót­ken­nen keıin, Jezqazǵan ta­rıhı-arheologııalyq mu­­rajaıy, Túrik Respýb­lı­­­kasynyń An­­ka­ra ýnı­ver­sıteti men As­trahan mý­zeı-qo­­­­ry­ǵy arasynda yn­ty­maq­tas­tyq týraly úsh­jaqty memorandýmǵa qol qoıyl­dy.

Budan keıin baǵdar­la­­maǵa saı, qoldanbaly óner boıynsha sheberlik dá­ris­ter uıymdastyrylyp, oǵan murajaılardyń sý­ret­shi-res­tavratorlary, qysh isi­niń sheberleri belsene at­salys­ty.

Festıvalde uıymdas­ty­rylǵan «Uly dala mu­rasy» ekspozısııasyn­da elimizdiń 60-tan as­tam bi­re­geı jádigeri qatysý­shy­lar men qonaqtar nazaryna usynyldy. Sonyń ishinde jurtty ózine qarat­qan eks­­­ponattyń biri «Al­tyn adam» jádigeriniń kóshir­mesi boldy.

Halyqaralyq festı­valǵa qatysýshy qonaqtar qur qol kelmegen eken. My­saly, Qytaı delegasııasy Qaraǵandy oblysynyń mádenıet, muraǵattar jáne qujattama basqarmasynyń ıeligine XVIII ǵasyrdaǵy Qytaı men Qazaqstan ara­syndaǵy jibek saýda­sy týraly qujattyń kóshir­mesin syıǵa tartty. Moń­ǵol delegasııasy bolsa, qa­zaq dıasporasynyń Moń­ǵolııa aýmaǵyna qalaı qo­nys aýdar­ǵany týraly qujattyń kóshirmesin ákelipti. Al ózbek delegasııa­sy XIX-XX ǵasyrlardaǵy qazaq hal­qynyń tarıhyna qa­tysty qujattar men fo­tosýretterdiń kóshirmesin tartý retinde usyndy.

Festıvaldyń ekin­shi kúni murajaı qyzmet­ker­lerine arnalǵan «Mu­ra­­jaı qyzmetin ja­han­dyq jańǵyrtý – ýaqyt qa­jet­tiligi» taqyrybynda semı­nar-trenıng uıymdas­tyryldy. Shara barysynda Ankara ýnıver­sıtetiniń professory Aısha Chakır Ilhan, joǵary sanatty ekskýrsovod-ádisker, Qa­zaq sport jáne týrızm aka­demııasynyń týrızm sarapshysy, IýNESKO ulttyq komıssııasynyń múshesi Ba­qyt Orazymbetova, tarıh ǵylymdarynyń kandıdaty, ál-Farabı atyndaǵy QazUÝ arheologııa, etnologııa jáne mýzeologııa kafedrasynyń dosenti, professor Táttigúl Qartaeva jáne basqa da tanymal tulǵalar dáris oqyp, tájirıbelerimen bólisti.

Halyqaralyq festı­valdyń qorytyndy kúnin­de alys-ja­qynnan kelgen qo­naq­­tar úshin ult uıasy – Uly­taýdyń tarıh tunǵan qa­sıetti jerlerine saıahat uı­ym­­dastyryldy.

Qaraǵandy oblysy