Maýsym aıyndaǵy reıtıng boıynsha alǵashqy úzdik úshtik ózgerissiz qaldy. Tizimde alǵashqy orynǵa Belgııa, odan keıin Fransııa jáne Brazılııa ulttyq quramalary jaıǵasty. Qazirgi tańda Belgııanyń enshisinde 1746, Fransııada – 1718, Brazılııada – 1681 upaı bar.
Sáýir aıynda 116-shy orynda turaqtaǵan Qazaqstan ulttyq quramasy eki satyǵa joǵarylap, 114-shi satyǵa jaıǵasty. Ulttyq qurama qorjynynda 1174 upaı bar.
Aıta keteıik, Mıhal Bılek shákirtteri maýsym aıynda Eýro-2020 chempıonatynyń irikteý kezeńi aıasynda Belgııa jáne San-Marıno quramalarymen kezdesý ótkizdi. Qazaqstandyq fýtbolshylar syrt alańda Belgııa quramasynan 3:0 esebimen jeńilse, elordada ótken San-Marınoǵa qarsy matchta 4:0 esebimen basym tústi.
Ásem TAŃATAR
EUÝ-dyń jýrnalıstıka fakýltetiniń
stýdenti