Bıylǵy jyldyń alǵashqy tórt aıynda aýdan kóleminde atqarylǵan jumys barysy qorytyndylandy.
Aýdan ákimi Abzal Balǵabaev baıandamasyn orys tilinde jasady.
- Negizgi kapıtalǵa salynatyn ınvestısııa kólemi bes esege kemip, 268 mıllıon teńgeni qurady, - dedi ákim.– Jyldyń sońyna deıin 5,6 mlrd teńge ınvestısııa salynady.
Aýdanda bıyl sýarmaly alqaptardy 2,2 myń gektarǵa kóbeıgen. Onyń 500 gektary «Rosa» ShQ, 200 gektary «Maıak» ShQ, 700 gektary «Dáneker» ShQ tıesili.
Sonymen birge, 232 sharshy metr baspana tapsyrylǵan. Bıyl 1,1 mlrd teńgege Qazy, Shaqa jáne Sharbaqty aýyldarynda sý qubyrlaryn salýdy aıaqtaý josparlanýda.
-Jyl sońyna deıin taza aýyz sýmen aýdan halqynyń 74,6 paıyzy qamtylady, - dedi Abzal Balǵabaev.
Al, josparda Aqqýly aýylynda sý qubyrlaryn qaıta jóndeý, Iаmysh aýylynda mádenıet úıiniń qurylysy jáne Aqqý-Qazy-Maıqaraǵaı tas jolyn ortasha jóndeý jobalary bar.
Jıynda oblys ákimi aýyl sharýashylyq ónimderin óńdeıtin, naryqtaǵy básekege tótep bere alatyn kásiporyndar ashý qajettiligine toqtaldy.
-Kónergen sehtar men qural-jabdyqtardy umytýymyz kerek, - deıdi Bolat Baqaýov. – Olar básekege shydaı almaıdy. Ondaı taýardy tutynýshy almaıdy. Mal fermasy degenimiz mal qoradan ári aspaıdy. Zamanaýı bazalar eshkim salmaıdy. Jańa tehnologııalardy ıgerý kerek.
Sonymen birge, óńir basshysy Abzal Balǵabaevqa Aqqýly aýylynda 2017 jyly salynǵan 24 páterli arendalyq úıdi retke keltirip, turǵyndaryna jaıly jaǵdaı jasaýdy tapsyrdy.
Bári de jaqsy-aq. Biraq, jıynda da, baıandama jasaǵan, sóz sóılegen ákimder qazaq aýylynda qazaq tiliniń bar ekenin umytyp ketken sııaqty.
Pavlodar oblysy