Marapattaý rásimi 13 maýsymda Nur-Sultanda IDC SIO Summit aıasynda ótti. Músinshe túrindegi marapatty «Almaty qalasyn damytý ortalyǵy» AQ Basqarma tóraıymy Janna Tólegenovaǵa IDS, EMEA aımaǵy, aǵa vıse-prezıdenti Stıven Fransen tabys etti.
IDC CIO Excellence Awards 2019 baıqaýy IT-kásipqoılardyń tujyrymdamalardy ázirleýge jáne óz uıymdarynda sıfrlyq transformasııa salasyndaǵy bastamalardy tabysty iske asyrýǵa qosqan úlesin moıyndaý maqsatynda uıymdastyrylǵan.
Bıyl baıqaýǵa Ortalyq Azııa, Ázirbaıjan jáne Monǵolııadan ataqty IT-kóshbasshylar qatysty.
Jeńimpazdardy anyqtaý kezinde kelesi krıterııler eskerildi: klıentterge qyzmet kórsetýde sıfrlyq tehnologııalardy paıdalaný jáne bıznes-úderisterdi jaqsartý; kópjosparly ózara is-qımyldy damytý jáne front-ofısten bek-ofıske deıingi ıntegrasııalanǵan prosess.
Almaty qalasy ákimdiginiń «Open Almaty» qoǵamdyq qabyldaýy 2017 jyly «Smart City» tujyrymdamasyn iske asyrý aıasynda qurylǵan. Jobanyń maqsaty jergilikti atqarýshy organdardyń ashyqtyǵyn arttyrý jáne qala turǵyndaryna túrli ómirlik jaǵdaılardy sheshýde kómek kórsetý bolyp tabylady. Árbir júgingen adam keńes alyp, ákimdiktiń, qalalyq basqarmalardyń, prokýratýranyń, polısııanyń, Memlekettik kirister departamentiniń jáne t.b. atyna ótinish joldaı alady.
Open Almaty-da ótinishter jeke kelýshilerden bólek, áleýmettik jeliler (Facebook, Instagram, Twitter), http://open-almaty.kz veb-portaly jáne 1308 baılanys ortalyǵy arqyly qabyldanady (uıaly telefonnan qońyraý shalý tegin). Budan basqa, portalda qalalyq qyzmetterdiń jumys josparymen tanysýǵa bolady (kóshelerdi, aýlalardy jóndeý, saıabaqtar men skverlerdi abattandyrý). Open Almaty-da qala turǵyndary men qonaqtary, kásipkerler resmı tizilimge enbegen qyzmetterdi ala alady. Qoǵamdyq qabyldaýdyń portalynda túrli salalardaǵy 700-ge jýyq ómirlik jaǵdaıdyń qadamdyq algorıtmderi ornalastyrylǵan: balany bir mektepten basqasyna qalaı aýystyrýǵa bolady, kópbalaly otbasynan shyqqan bala úshin jazǵy lagerge joldamany qalaı alý kerek, júrgizýshi kýáligin joǵaltqanda ne isteý qajet, jobalaý jumystaryn júzege asyrýǵa lısenzııany qalaı alý kerek, tólqujatyn joǵaltqan kezde sheteldik ne isteýi tıis jáne t.b. Osynyń barlyǵy memlekettik qyzmetterdi alýdy jeńildetýge ári sapasyn jaqsartýǵa múmkindik beredi.
Jalpy, Open Almaty jobasy iske qosylǵannan beri 140,7 myńnan astam ótinish kelip tústi — ótinishterdiń 60%-ten astamy telefon arqyly túsedi. Sondyqtan bul jumys kúsheıtiledi — bıyl Open Almaty bazasynda Biryńǵaı qalalyq baılanys ortalyǵy iske qosylady. Qalanyń tynys-tirshiligin qamtamasyz etetin barlyq kommýnaldyq, apattyq jáne servıstik qyzmetter 109 nómirine biriktiriledi.
Eske salsaq, buǵan deıin «Open Almaty» jobasy Slovenııada ótken «Lıýblıana Forým – 2017» baıqaýynda úzdikter qatarynan kórinip, Ońtústik-Shyǵys Eýropa elderi arasynda «Qalalardyń bolashaǵy» atalymy boıynsha ekinshi orynǵa ıe boldy. Jyl saıynǵy júldeniń maqsaty Smart City-di damytý salasyndaǵy jańashyl jobalardy anyqtaý jáne kótermeleý bolyp tabylady.
* IDC (International Data Corporation) – aqparatty jáne konsýltasııalyq qyzmetterdi jetekshi jetkizýshi, aqparattyq tehnologııalar, telekommýnıkasııa jáne tutyný tehnıkasy naryqtaryndaǵy is-sharalardy uıymdastyrýshy. IDC IT-kásipqoılaryna, basshylar men ınvestorlarǵa tehnıkany satyp alý jáne bıznes-strategııany tańdaý týraly negizdelgen sheshimder qabyldaýǵa kómektesedi. IDC-diń 110 eldegi myńnan astam sarapshysy salanyń álemdik, óńirlik jáne jergilikti deńgeılerdegi tehnologııalaryn, úrdisteri men múmkindikterin zertteıdi. 50 jyldan astam ýaqyt boıy IDC bilimi kompanııa klıentterine asa mańyzdy mindetterdi sheshýge kómektesip keledi. IDC – álemdik IT-basylymdar, zertteýler men mamandandyrylǵan is-sharalar naryǵyndaǵy kóshbasshy IDG kompanııasynyń enshiles kásiporny.