Panfılov aýdany ákimi baspasóz qyzmetiniń málimetinshe, Qazaqstan Respýblıkasy Úkimetiniń qaýlysymen Panfılov aýdanynda burynǵy A. Lýnacharskıı atyndaǵy orta mektep-gımnazııaǵa dańqty qolbasshy, Keńes Odaǵynyń batyry Baýyrjan Momyshulynyń esimi berildi.
«Kóktal orta mektebi» mektepke deıingi shaǵyn ortalyǵy memleket jáne qoǵam qaıratkeri Dinmuhamed Qonaevtyń atymen atalatyn boldy. Sondaı-aq, Sátjol orta mektebine alash kósemi Álıhan Bókeıhanovtyń esimi berildi.
«Qazirgi ýaqytta Úkimettiń arnaıy qaýlysy shyqty. Endi aýdan ákimshiligi tarapynan atqarylatyn tıisti jumystardy atqaryp jatyrmyz», - dedi aýdandyq mádenıet jáne tilderdi damytý bóliminiń mamany Arman Iýsýpov.
Aıta ketý kerek, búginde Panfılov aýdanynda orta bilim beretin 50 mektep bar.
ALMATY