Halyq aldynda esep berdi

Roman Sklıardyń baıanda­ma­syndaǵy basty máseleniń biri – «qarapaıym zattar ekonomıkasy» salalaryn jeńildikpen nesıeleý baǵdarlamasyn jasaýy boldy. Máselen, baǵdarlamaǵa bólinetin 600 mlrd teńgeniń 400 mlrd teńgesi óńdeý óner­kásibine baǵyttaldy. Bul qazaq­standyqtardyń kúndelikti qol­danatyn 250-ge jýyq óner­ká­siptik taýarlar óndirisin iske qosýǵa múmkindik beredi. 2025 jylǵa qaraı bıznesti jeńil­detilgen qarjylandyrý shama­men 16 myń turaqty jumys ornyn qurýǵa, salyq túsim­deriniń 1,1 trln-ǵa ósýin qamta­masyz etýge múmkindik beredi, «qarapaıym zattar ekonomıka­sy» ónim ımportynyń úlesin 59%-dan 37%-ǵa deıin tómen­detedi.

Jyl saıyn 40-tan astam eksporttaýshy qarjylyq já­ne 400-den asa eksporttaý­shy servıstik qoldaý alady. So­nymen qatar 2019 jyly alǵash ret eksporttaýshylarǵa daıyn taýarlardy eksporttaý kezinde kólik shyǵyndaryn óteý qarastyrylǵan. Iri ótkizý naryqtarynan alshaqtyqty eskere otyryp, taýardyń ózin­dik qunyndaǵy tasymaldaý úlesi 30%-ǵa deıingi kórsetkishti quraıdy, bul eksporttyq na­ryq­tardaǵy baǵalyq básekege qabilettilikke eleýli áser etedi. Tutastaı alǵanda, eksporttaýshylardy qoldaýdyń qabyldanatyn júıelik sharalary 2022 jylǵa deıin shıkizattyq emes eksport kólemin 1,5 ese ul­ǵaıtý úshin jaǵdaı jasaýǵa múmkindik beredi.

Sonymen qatar Roman Sklıar «Nurly jol» baǵdarlamasynyń oryndalýy týraly aıtyp berdi. Memlekettik baǵdarlamanyń basynan bastap avtojol salasynda respýblıkalyq mańyzy bar 2,4 myń km avtojol salyndy jáne qaıta jańartyldy. Aǵymdaǵy jyly 4,4 myń km qaı­ta jańartýmen qamtyldy. Jyl qorytyndysy boıynsha 641 km qaıta jańartylǵan jolda qozǵalys ashý josparlanyp otyr. Respýblıkalyq ma­ńyzy bar 1,5 myń km avtojoldy jóndeýmen qamtý kóz­delgen. Azamattyq avıasııada kór­setkishterdiń turaqty ósýi baıqalady. 2018 jyly tran­zıttik jolaýshylar sany 900 myń adamdy qurady, bul ótken jylmen salystyrǵanda 45%-ǵa artyq. 2020 jyly tranzıttik avıajolaýshylar sany 1,6 mln adamdy quraıdy.

Sondaı-aq mınıstr tur­ǵyn úımen qamtamasyz etý máse­lesindegi negizgi kór­setkishter týraly atap ótti. 2018 jyly 12,5 mln sharshy metr jańa turǵyn úı paıdalanýǵa berildi. 2017 jylǵy deńgeıge qaraǵanda ósim +12,1%-dy qurady. Aǵymdaǵy jyly 13,0 mln sharshy metr jańa turǵyn úı salynady. Jyl basynan beri 4,6 mln sharshy metr turǵyn úı nysandary paıdalanýǵa berildi. Kóp balaly otbasylar úshin 7 jylǵa jalǵa beriletin turǵyn úı salý­ǵa jáne satyp alýǵa 350 mlrd teńge qarastyrylǵan. Osy kezeń ishinde jyl saıyn 6 myń jalǵa beriletin páterdiń qury­lysy qamtamasyz etiletin bolady. Aǵymdaǵy jyldyń mamyr aıynda ákimdikter kóp balaly otbasylar úshin jalǵa beriletin turǵyn úı bere bas­tady. Qosymsha Turǵyn úı qu­rylys jınaq banki arqyly az qamtylǵan kóp balaly, tolyq emes otbasylar men múmkindigi shekteýli balalary bar otbasylardy jyldyq 2%-ben nesıeleý engizilýde. Bul jyl saıy­n 6 myń otbasynyń turǵyn úı jaǵdaıyn jaqsartýǵa múmkindik beredi.