«Jyl saıyn úmitkerlerdiń teń jartysy ǵana testileýden kerekti baldy jınaı alady. Mysaly, byltyr 2 642 adam testileýge qatyssa, sonyń 1450, ıaǵnı 55 prosenti shektik kórsetkishti kórsete aldy. Bul testileý satylary kóptegen qyzmetshiler úshin kedergi, jergilikti jerlerdegi memlekettik organdar úshin mamandar jetispeýiniń sebebine aınalǵanyn bildiredi. Sondyqtan osy máselelerdiń sheshimi tabý maqsatynda Agenttiktiń kelisimin ala otyryp, oblys ákimimen birlesip, Arqalyq qalasynan testileý ortalyǵyn ashýdy jón kórdik» dedi Salaýat Syılybaıuly.
Arqalyq qalasyndaǵy testileý ortalyǵy úsh óńirdi, ıaǵnı Torǵaı óńirindegi Amangeldi, Jangeldın, Arqalyq qalasynyń tóńiregimen qatar, Aqmola oblysynyń Arqalyqpen shektes Esil, Derjavın, Jaqsy aýdandaryn, Qaraǵandy oblysynyń Ulytaý adýdanyn qamtıtyn bolady, sol óńirdegi memlekettik qyzmetshiler alystan arbalamaı, jaqyn jerde testileýden ótetin bolady. Qazir ortalyq zaly ornalasatyn ǵımaratta jóndeý jumystary júrip jatyr.