Aımaqtaǵy alǵyr jastardyń basyn qosqan saıys «Qobylandy batyr» jyrynyń Marabaı nusqasyn jattap, aıtýǵa arnalǵan bolatyn. Negizgi baıqaýǵa oblystyń barlyq aýdan, qalalarynan 51 jasópirim qatysyp, olardyń ishindegi 15 úzdik jyrshy ekinshi aınalymǵa ótti.
– Aýyz ádebıetimen sýsyndap óspegen, ony jete bilmegen urpaq erteń tiline jany ashıtyn, týǵan jerine qyzmet etetin, óz eliniń naǵyz patrıoty bolyp ósedi dep aıtý qıyn. Sondyqtan da búgingi baıqaýymyz az da bolsa oń septigin tıgizedi degen úmitpen, uzyn-sonar jyrdy jattap, baıqaýǵa baq synaýǵa kelgen árbir oqýshy sanalaryna sáýle uıalatyp, rýhanı azyq aldy dep senemiz. Batyrlar jyryndaǵy patrıottyq sezimderdi búgingi urpaqtyń sanasyna sińirip, oqýshylardyń shyǵarmashylyq jáne zııatkerlik qabiletin damytyp, kórkem ádebıetke degen qyzyǵýshylyǵyn arttyratyn mundaı ıgi shara bolashaq ta da óz jalǵasyn tabýy kerek – deıdi baıqaý jaıynda Almaty oblysynyń tilderdi damytý jónindegi basqarmasynyń basshysy Aıdar Bashbaev.
Baıqaý nátıjesinde «Qobylandy batyr» jyrynyń Marabaı jyraý nusqasyn múdirmeı jatqa aıtyp qarsylastarynan oza shapqan Erasyl Tólegenov bas júldeni qanjyǵasyna baılady. Aýyz ádebıetine jetik, sózge sheshen ári jyrdy tolyq jattaǵan jasóspirim Ile aýdanynan kelgen eken.
Almaty oblysy