Qazaqstan Prezıdenti Qasym-Jomart Toqaevtyń ulyqtaý saltanatynda sóılegen sózinde: «Nursultan Ábishuly Nazarbaev búkil álem moıyndaǵan damý modelin jasap, Qazaqstannyń kók Týyn dúnıe júziniń túkpir-túkpirinde jelbiretti. Osy kúnderi meniń atyma azamattarymyzdan kóptegen ótinish-tilekter kelip túsýde. Olardyń bárine ortaq bir ǵana tilek bar: Elbasymyzdyń jolyn, strategııasyn saqtaý jáne ony odan ári nyǵaıtý. Elbasy – Qazaq memleketiniń negizin qalaýshy uly tulǵa. Ol jahandyq deńgeıdegi memleket qaıratkeri», dep egemendik alǵannan keıingi jyldardaǵy elimizdiń qol jetken jetistikterin aıshyqtap atap kórsetti. Qasym-Jomart Kemeluly az ǵana ýaqyt aralyǵynda Alash jurtynyń əleýeti asqan, dəýleti tasqan, irgesi berik, bedeli zor aıdyndy elge aınalǵandyǵyn aıta kelip, boıynda kúsh-qýaty, ómirden təlim etip alǵan mol təjirıbesi barda ərqashan tilegi bir eldiń tiregi bolyp qyzmet ete berýge daıyn ekendigin jetkizdi. Jańa Prezıdentimizdiń negizgi maqsaty – ózine senim artqan halqynyń kósegesin kógertý ekendigi anyq.
Qazaqstandyq saılaýshylardyń aıqyn daýysyna ıe bolyp, Qazaqstan Prezıdenti bolyp saılanǵan Qasym-Jomart Toqaevtyń ózi aıshyqtap aıtqandaı, halqynyń kórsetken qoldaýy – Prezıdentke sarqylmas kúsh-jiger beretindigine jəne Elbasynyń alǵa qoıǵan mindetteriniń údesinen shyǵatyndyǵyna senimdimiz.
Birjan HASANǴALIEV,
Chaıkovskıı atyndaǵy mýzykalyq kolledjiniń dırektory