Qazirdiń ózinde Qazaqstan sportshylary el namysyn laıyqty qorǵap júr. Halyqaralyq dodalarda Kók baıraǵymyz áste tómen túsken joq. Olımpııa oıyndarynda qazaqstandyqtar azýly eldiń sportshylarymen teń dárejede óner kórsetip keledi. Mundaı nátıjege eldegi turaqtylyq pen halyqtyń aýyzbirshiligi arqasynda ǵana jetýge bolady. Budan da qıyn kezeńder bolǵan. Sonyń barlyǵyn elmen birge kórip, kúrdeli sátterdi eńsere bildik. Dese de bul mejemen toqtap qalmaımyz degen oıdamyn. Salaýatty qoǵam qurý úshin memlekettiń qoldaýy qajet. Bul baǵytta Qazaqstanda atqarylǵan sharýa jeterlik. Bizdiń memlekette sportqa jaqsy kóńil bólingen dep tolyq senimmen aıtýǵa negiz bar. Qasym-Jomart Kemelulyn jaýapty qyzmetke kelýimen quttyqtaımyn. Memleketimizdi oń betburys kútip tur degen úmittemin. Barsha qazaqstandyqtardy aıtýly kúnmen shyn júrekten quttyqtaǵym keledi. Elimizdi tek gúldený kezeńderin basynan ótkeredi degen úmitim basym.
Olga RYPAKOVA,
Úsh qarǵyp sekirýden Olımpıada jáne
Azııa oıyndarynyń chempıony