I Genderlik forým ótti

Aýqymdy sharada bas qosqan 100-den  astam ǵa­­lym, oqytýshy, otan­dyq jáne sheteldik uıym­dardyń qyz­metkerleri «Ortalyq Azııa­daǵy genderlik syn-te­geýrinder men ózgerister» taqy­­rybynda oı bólisti.

Nazarbaev Ýnıversıtet Jo­ǵary bıznes mektebiniń qaýym­­dastyrylǵan professory Djenıfer Lıýıs genderlik ta­qyryptyń teorııalyq jáne praktıkalyq aspektilerin tolyq tal­qylaýǵa tyrysqanyn tilge tıek etti. «Forýmǵa at­sa­lysqan qazaq­standyq m­ek­tepterdiń ókil­­­­­deri oqý­shylarmen jumys isteý barysynda kezdesetin eń ma­ńyz­dy genderlik aspektilerge toq­taldy», dedi D.Lıýıs. Halyq­­­aralyq sarapshynyń sózine sensek, Nazarbaev Ýnıversıtettegi Medı­sına mektebiniń professorlary dárigerlerdiń naýqastarmen qarym-qatynasy kezinde qandaı máselelermen betpe-bet kelgenin tarqatyp aıtty.

Genderlik teńdik máse­leleri ár salada kezdesedi. Ony sol salanyń mamandary ǵana jaqsy biledi. Osy jaıtty eskergen forým sarapshylary mansaptyq múmkin­dikterdegi teńdik, saıa­­­sat­taǵy áıelderdiń orny, jas­tarǵa jynystyq bilim berý, tur­mystyq zorlyq-zombylyq, áıelder kásipkerligi, sybaılas jemqorlyqtyń genderlik aspektileri sekildi qoǵamdaǵy máselelerdi qamtý arqyly taqy­ryp aıasyn keńeıte tústi.

Al sharanyń kelesi kú­nine belgilengen steık­hol­derlerdiń (stákeholder – qyzyǵýshy tarap, jeke tulǵa, deldal nemese ókil) dóńgelek ústelinde bilim be­rý salasynyń qyzmet­kerleri, ǵa­lymdar, ÚEU men ózge de uıym­dardyń ókilderi alǵashqy kúni aıtylǵan saraptamalar men osyǵan deıingi jasalǵan gen­der­lik zert­teýlerdi is júzinde qa­laı qol­danýǵa bolatynyn tal­qylady.

Nazarbaev Ýnıversıtettiń Joǵary bilim berý mektebiniń assıstent-professory Anna Koen-Mıller atalǵan JOO-daǵy áriptesterimen birge oqýshylar arasyndaǵy gen­der­lik aspektiler jóninde aýqymdy zertteý júrgizedi. «Mektep oqýshylary men muǵalimderdiń ortasyn jáne tájirıbesin zerdeleýmen aınalystym», degen A.Koen-Mıller dóńgelek ústel barysynda zertteý nátıjelerimen bólisti.