Elimizdiń basym bóliginde sý tasqynynyń belsendi kezeńi aıaqtalyp, jaǵdaı turaqtaldy. Qazirgi ýaqytta ońtústik, batys jáne ortalyq óńirlerde qaýip aıtarlyqtaı tómendegen. Al Soltústik Qazaqstan jáne Shyǵys Qazaqstan oblystary baqylaýda tur, tıisti monıtorıng úzdiksiz júrgizilip jatyr, dep jazady Egemen.kz.
Shyǵys Qazaqstan oblysynda sý tasqynynyń alǵashqy tolqyny aıaqtaldy. Al sáýirdiń úshinshi onkúndiginen mamyrdyń ekinshi onkúndiginiń sońyna deıin ekinshi kezeń kútiledi. Bul kezeń taý bókterindegi jáne orta taýlardyń ońtústik betkeılerindegi qardyń erýimen, sondaı-aq jaýyn-shashynmen baılanysty. Qazirgi tańda oblys aýmaǵyndaǵy qar jamylǵysy 19% deńgeıinde saqtalǵan. О́ńirde aldyn alý jumystary keń kólemde júrgizildi. Atap aıtqanda, 226 shaqyrym kanal, 504 shaqyrym aryq tazartylyp, 4778 sý ótkizý qurylysy men 409 kópir retke keltirildi. Sondaı-aq 430 myń tekshe metrden astam qar shyǵaryldy. Nátıjesinde 16 eldi mekende sý basý qaýpi joıylyp, 50 eldi mekende qaýip azaıdy, al 5 eldi mekende qaýip saqtalyp otyr. Bul – Glýbokoe jáne Altaı aýdandaryndaǵy jalpy 813 turǵyny bar 329 úı.
Qazir oblysta gıdrologııalyq jaǵdaı turaqty. О́zenderdegi sý deńgeıi qaýipti mejeden tómen, sý basý derekteri tirkelmegen. Mamandar táýlik boıy baqylaý júrgizip, taýly aımaqtardaǵy qar qoryn baǵalap otyr.
Aýǵanstanda sý tasqyny saldarynan 77 adam qaza tapty
Soltústik Qazaqstan oblysynda da jaǵdaı turaqty baqylaýda tur. Munda Tótenshe jaǵdaılar mınıstrliginiń 28237 áskerı bóliminiń kúshteri jumyldyrylyp, Petropavl qalasy, Zarechnyı kenti jáne Qyzyljar aýdanynyń Beskól aýylynda jumys júrgizip jatyr. Qorǵanysh bógenderin nyǵaıtý úshin 29 myń qap daıyndalyp, onyń 10 800-i tóseldi. Sonymen qatar Esil ózeniniń tasqyn sýynyń áserin azaıtý maqsatynda 2,5 myń metr polıetılen tósemi tóseldi.
Mınıstrlik sý tasqynyna qarsy jedel shtaby múddeli memlekettik organdarmen birlese jumysyn jalǵastyryp, qabyldanǵan sharalar jaǵdaıdy baqylaýda ustaýǵa múmkindik berip otyr.
Pákistandaǵy sý tasqynynan 17 adam qaza tapty