Shilde aıynyń 6-7 kúnderi Almatyda jeńil atletıkadan XXIX Ǵusman Qosanov memorıaly ótedi. Halyqaralyq týrnır Azııa qurlyǵyndaǵy úzdik jarystar tiziminde.
Qosanov memorıaly jyl saıyn Almatynyń Ortalyq stadıonynda ótedi. Ol Halyqaralyq jeńil atletıka federasııalary qaýymdastyǵy (IAAF) men Azııa jeńil atletıka qaýymdastyǵynyń (AAA) kúntizbesine engen týrnır ekenin aıta keteıik.
XXIX Qosanov memorıaly Tokıo Olımpıadasy men Dohada ótetin álem chempıonatyna upaı taratatyn lısenzııalyq týrnır sanalady. Bıylǵy dodaǵa Eýropanyń eki dúrkin chempıony, álem chempıonatynyń kúmis júldegeri, reseılik Darıa Klıshına qatysady dep kútilýde. Byltyr memorıalǵa álemniń 10 memleketinen 260 sportshy qatysqan bolatyn. Ár jyldary bul týrnırde Olımpıada chempıondary Vıtalıı Savın, Olga Shıshıgına, Olga Rypakova, sondaı-aq Olımpııa oıyndarynyń júldegerleri Grıgorıı Egorov, Dmıtrıı Karpovtar jeńiske jetken.