2018-2019 oqý jyly 5755 oqýshy 11 synypty bitirgen. Qorytyndy memlekettik attestattaý nátıjeleri boıynsha 406 túlek "Altyn belgi", 264 túlek Úzdik attestatqa ıe boldy (2018 jyly - 320 "Altyn belgi", 215 - Úzdik attestat).
"4143 túlek nemese mektep bitirýshilerdiń 72% aldaǵy Ulttyq biryńǵaı testileýge qatysýǵa ótinish berdi. 2018 jylmen salystyrǵanda qatysý 5% kóbeıgen, ıaǵnı byltyr túlekterdiń 67% qatysqan", - dedi Qyzylorda oblysy bilim basqarmasynyń basshysy Maıra Meldebekova.
Qyzylorda oblysynda UBT 21-26 maýsym aralyǵynda 9 testileý pýnktinde ótkiziledi.
"Jyl boıy "Taldysý", "Qambash" lagerlerinde barlyq túlekter qosymsha daıyndyq kýrstarynan ótti. Sonymen qatar, ata-analar men túlekterge psıhologııalyq trenıngter ótkizildi. Barlyq testileý pýnktteri beınebaqylaý kameralarymen, uıaly baılanys sıgnalyn óshiretin qurylǵylarmen jáne metall izdegishtermen jabdyqtalǵan, árbir aýdıtorııaǵa kondısıonerler ornatylǵan", - dep atap ótti M. Meldebekova.
Aımaqtyń 4640 túlegi ýnıversıtetterge (81%), 1000 túlek kolledjderge (17%) túsedi dep josparlanýda. 628 túlek Reseı Federasııasynyń 4 joǵary oqý ornyna túsý emtıhanyn tapsyrdy. Bul Máskeý ulttyq zertteý tehnologııalyq ýnıversıteti "MBjQI", Reseı memlekettik agrarlyq ýnıversıteti – K. A.Tımırıazev atyndaǵy MAShA, Máskeý energetıkalyq ınstıtýty jáne Sankt-Peterbýrg memlekettik ónerkásiptik tehnologııalar jáne dızaın ýnıversıteti. Emtıhannyń nátıjesi shilde aıynda belgili bolady.
Aıta keteıik, 2019 jyldan bastap joǵary bilim alýǵa qoljetimdilikti arttyrý maqsatynda UBT jylyna 4 ret uıymdastyrylady. Qańtar aıynda UBT-ǵa 2392 oqýshy (41,5%) qatysyp, ortasha ball 77 boldy. Naýryz aıynda testileýdi 4042 (70%) túlek tapsyrdy, ortasha ball 83-ti qurady.
Ulttyq biryńǵaı testtiń úshinshi kezeńi 21-26 maýsymda, al tórtinshi kezeń 17-20 tamyz aralyǵynda ótedi.
Atap óteıik, bilim berý grantyna tek úshinshi kezeńde (21-26 maýsymda) testileý tapsyrǵan bitirýshiler úmitker bola alady.
UBT nátıjeleri testileý kúni belgili bolady. Sondaı-aq, Ulttyq testileý ortalyǵynyń resmı saıtynda jarııalanady.
UBT nátıjelerin @edugovkz_bot Telegram áleýmettik jelisi arqyly bilýge bolady. Ol úshin túlekterge óziniń jeke testileý nómirin (AKT) engizý qajet.
Apellıasııaǵa ótinish UBT nátıjeleri jarııalanǵannan keıin kelesi kúni saǵat 13.00-ge deıin qabyldanady jáne apellıasııalyq komıssııa bir kúntizbelik kún ishinde qaraıdy.
Apellıasııalyq komıssııanyń otyrysyna túsýshi kelmegen jaǵdaıda onyń apellıasııaǵa bergen ótinishi qaralmaıdy.
О́tinishti oqýshynyń jeke ózi beredi, sonymen qatar pán men suraqtardy belgilep, naqty talaptaryn kórsetedi. О́zimen birge jeke kýáligi men testileýge Ruqsat qaǵazy bolýy kerek.