Oǵan oblystyq Qazaqstan halqy assambleıasynyń «Jańǵyrý joly» jastar qozǵalysy belsendileri, oblystyq «Jas Otan» jastar qanatynyń músheleri, jastar uıymdarynyń ókilderi, stýdentter, BAQ ókilderi qatysty.
Jıyn moderatory, oblys ákimi apparatynyń «Qoǵamdyq kelisim» KMM dırektory, tarıh ǵylymdarynyń kandıdaty Ýalıhan Ibraev «Qazaqstannyń revolıýsııalyq emes, evolıýsııalyq damýy» taqyrybynda jastarǵa elimizdegi jáne álem elderinde bolyp jatqan qubylystar jaılynda shaǵyn baıandama jasady.
Júzdesýde oblystyq «Jańǵyrý joly» JQ tóraǵasy Pak Valerıı jáne tóraǵasynyń orynbasary Demıdenko Evgenıı «Sananyń ashyqtyǵy» qazirgi jastardyń bilimge, ǵylymǵa, IT-salasyna basa mán berý qajettigi taqyrybynda oı qozǵady.
Sondaı-aq, óńirlik «Rýhanı jańǵyrý» ortalyǵynyń qyzmetkeri Bekarys Nurımanov «Ulttyq biregeılikti saqtaý» taqyrybynda Elbasynyń «Uly Dalanyń jeti qyry» atty maqalasynan mazmundy mysaldar keltire otyryp, oı pikirimen bólisti.
Qyzylorda oblysy.