Bilim jáne ǵylym mınıstrliginiń Joǵary oqý ornynan keıingi bilim berý departamentiniń dırektory Ádilet Toıbaevtyń aıtýynsha, UBT-nyń alǵashqy kúninde respýblıka boıynsha 12 772 túlek baq synaǵan.
«Jalpy birinshi lekte test tapsyrýǵa 13068 túlek ótinish berdi. Sonyń 97 paıyzy synaqqa qatysty. Onyń ishinde 11 361 túlek - qazaq tilinde, 1411 túlek - orys tilinde. UBT elimizdiń 6 óńirinde ótti. Atap aıtqanda, Nur-Sultan qalasy jáne Almaty, Aqtóbe, Atyraý, Mańǵystaý jáne Túrkistan oblystarynda barlyǵy 39 test tapsyrý beketi jumys istedi», - dedi mınıstrlik ókili.
Ádilet Toıbaevtiń aıtýynsha, bıylǵy testileýdiń qorytyndysy boıynsha mektepter men óńirlerdiń ortasha kórsetkishi eseptelmeıdi jáne reıtıngi qurylmaıdy.
«Mınıstrdiń Úkimet otyrysynda UBT nátıjelerin reıtıngterge qospaý usynylǵanyn bilesizder. Jergilikti ákimdikter arasynda negizsiz báseke bolmaý úshin osyndaı qadamǵa baryp otyrmyz. О́ıtkeni, UBT nátıjesi qandaı da bir reıtıng túzý úshin ótkizilmeıdi. UBT-nyń shektik deńgeıinen súrinbeı ótken túlekter sany - 9338. Bul 76,5 paıyz degen sóz. Al shektik baldy jınaı almaǵan túlekter sany - 3434», - dedi departament basshysy.