Bul týraly Premer-Mınıstr Asqar Mamın Úkimet otyrysynda aıtty.
«Memleket basshysy Qasym-Jomart Kemeluly Toqaev oqıǵa ornynda bolyp, tótenshe jaǵdaı boıynsha naqty tapsyrmalar berdi. Barlyq tıisti sharalar uıymdastyrylýda. Arys qalasynyń turǵyndary qaýipsiz jerge kóshirildi. О́kinishke qaraı, eki adam - azamattyq tulǵa jáne áskerı qyzmetker qaza tapty. Osy oraıda, olardyń týǵan-týystaryna kóńil aıtamyz. Zardap shekkenderge medısınalyq kómek kórsetilýde», dedi Asqar Mamın.