Túlen túrtken tús

Al jazǵysy keletin, biraq qudaı bir túıir talant berme­gender ishtegi zapyranyn shy­ǵarý úshin ájethana qa­byr­ǵa­syn shımalaıdy eken. Búginde sol «jazǵyshtardyń» áleý­met­tik je­lini jaýlap alǵa­nyna qyn­jy­lady aqyn.

Dańqy óz respýblıkamyzdan asqan, birtalaı memleketter tutynyp otyrǵan «Araltuz» jaıyndaǵy daqpyrt áleýmettik jeli arqyly jurtshylyqty bir silkindirgeni belgili. Oǵan sebep, Baıqońyr turǵynynyń WhatsApp áleýmettik júıesi ar­qyly jarııalaǵan vıdeo mátini. Ol «qytaı ınvestorlary «Aral­tuz» AQ-yn satyp aldy. Endi qy­taılyqtar tuzǵa ýly hımıkat­tar qosyp, júz jylda qazaq halqynyń tuqymyn tuzdaı qur­tady» dep «janaıqaıyn» salady.

Onsyz da Qytaı dese úrkek­tep júrgen halyq mynadaı má­limdemeden keıin qalaı jaıyna qarap jatady. Belsendileri attanǵa oıbaı qosyp jurtty dúr­liktiredi.

Osyǵan baılanysty Qyzyl­orda qalasynda О́ńirlik kommýnıkasııalar qyzmeti alańynda ótken brıfıngte «Araltuz» AQ vıse-prezıdenti Naǵashybaı Áýez­hanov ónim sapasy týraly aıtyp, Baıqońyr qalasy turǵynynyń «Araltuz» kásipornyn qytaılyq ınvestorlar satyp alyp, ká­sip­oryn ónimine ýly zattar qo­sady eken delingen qaýesetti joqqa shyǵardy. Brıfıngke «Araltuz» AQ vıse-prezıdenti Naǵashybaı Áýezhanov, oblystyq ındýstrıaldy-ınnovasııalyq da­mý basqarmasy basshysynyń m.a. Janar Berdenova jáne Qy­zyl­orda oblysy polısııa de­par­tamenti bastyǵynyń orynbasary Baıgeldi Baıjan qatysty.

– «Araltuz» – Qazaqstan men basqa da birqatar elderdi óz ónimderimen qamtamasyz ete­tin biregeı kásiporyn. Qazir kásip­orynda 1200-den astam adam jumys isteıdi. Tuzdy taza­laý jáne óńdeý boıynsha barlyq jumystar talaptarǵa saı júr­giziledi. Bizde ónimniń sapasyn ba­qylaýǵa arnalǵan arnaıy zerthana bar, sondyqtan, bizdiń tuz joǵary sapaly dep senimmen aıta alamyn, – dedi «Araltuz» AQ vıse-prezıdenti Naǵashybaı Áýez­hanov.

Qyzylorda oblysy polısııa departamenti bastyǵynyń oryn­basary Baıgeldi Baıjan beı­neúndeýdiń avtory óz áreketin moıyndaǵanyn jáne beınejazba jarııalaýǵa onyń kórgen túsi negiz bolǵanyn aıtty.

Onyń málimdeýinshe, jalǵan aqparatty taratqan azamat us­tal­ǵan. Sóıtse ol jazǵan tús kórgen, túsinde jaman is kór­gen eken. Kórgen túsi mazasyn ala bergennen keıin ha­­lyq­ty qutqarmaq nıette oıyn áleý­mettik jelide aıtyp ji­ber­gen. Árıne, jalǵan aqpa­rat bergenine ókinedi, ke­shirim su­raıdy. Biraq medal­diń eki be­ti bary sekildi, qalyń eldi dúrliktirý tek keshirim suraýmen bitpese kerek. Eger árkim sol jam­basymen jatyp jaısyz tús kórip, ony jahanǵa jar salyp jarııalaıtyn bolsa obaly kimge?! Búginde ártúrli jaǵ­daılar tı­ty­ǵyna jetip, siriń­ke tartsa qý­raı­daı lap etýge daıyn toptar bar. Qıt etse eldi ereýilge bas­taýǵa daıyn, memlekettiń irge­sin shaıqaý­ǵa ábden bekingen qar­sy kúsh­ter de bar. Mundaı jaǵ­daı­lar olardyń qolaıyna jaǵa­tyndyǵy sózsiz.

Búginde tús kórip, jalǵan aq­paratty taratqan azamat qyl­mystyq jaýapkershilikke tartyldy. Osyndaı daýryqpaǵa qu­mar jandarǵa sabaq bolsa, qanekı.

Qyzylorda oblysy